வெள்ளி, 5 ஜூன், 2009

நேதாஜி பற்றி ஓம் முத்துமாரியின் குரலில் ஒரு நாட்டுப்புறப் பாடல்

நேதாஜி பற்றி அவர் காலத்தில் ஏராளமான நாட்டுப்புறப் பாடல்கள் வெளிவந்திருக்கின்றன. நெல்லை மாவட்டத்தில் சங்கரன்கோவிலுக்கு அருகிலுள்ள சத்திரங்கொண்டான் எனும் எங்கள் கிராமத்தில், முளைப்பாரி வைத்து பெண்கள் பாடும் கும்மிப் பாடலில் 'அய்யோ சுபாஷ் சந்திரபோஸ் எங்கிருக்காரோ' என்று அவர்கள் உருக்கமாகப் பாடுவதைக் கேட்டிருக்கிறேன். 

ஒருமுறை கோவையிலிருந்து பொள்ளாச்சி வழியாக மதுரை சென்றுகொண்டிருக்கையி,ல் சாலையோரக்கடையிலிருந்து 'கொல்லங்குடி' கருப்பாயி குரலில் நேதாஜி பற்றி கணீரென்று ஒரு பாடல் ஒலித்தது. லியோனி பட்டிமன்றம் மற்றும் திரைப்படப்  பாடல்களை அலறவிட்டு  காதைக்கிழிக்கும் இதுபோன்ற சாலையோரக் கடையிலிருந்து முதன்முறையாக காதுகொடுத்துக் கேட்கும் படியாக அமைந்தது அப்பாடல். 

கடந்தவாரம் ஊருக்குச் சென்றிருந்தபோது கூத்துக்கலைஞர் ஓம் முத்துமாரியின் குரலில் நேதாஜி குறித்த ஒரு பாடலைப் பதிவுசெய்தேன். அதை உங்களுடன் இங்கே பகிர்ந்து கொள்கிறேன்


.

கருத்துகள் இல்லை: