ஞாயிறு, 23 அக்டோபர், 2011

மின்துறை அமைச்சருக்கு முதுகெலும்பு உண்டா?

இன்று(23.10.2011) கூடன்குளம் அணுஉலைக்கெதிராக தமிழக இளைஞர் எழுச்சிப் பாசறை ஏற்பாடு செய்த தொடர்முழக்கக் கூட்டத்திற்கு சென்று திரும்பும்போது தி.நகர் உஸ்மான் சாலை வழியாக வந்தேன்.

அலங்கார விளக்குகளை போட்டிபோட்டு எரியவிட்டிருக்கிறார்கள் பெருவணிகர்கள்.

பல இடங்களில் தெருவிளக்கு எரியவில்லை. பல சிற்றூர்களில் ஒரு குழல்விளக்கெரிய மின்சாரம் இல்லை. ஒரு மின்விசிறி இயங்கவும் மின்சாரமின்றி, பச்சிளம் குழந்தையோடு கொசுக்கடிக்கு நடுவேயும் வீதியில் நிற்கிறார்கள் தாய்மார்கள்.

இன்றியமையாத தேவைக்கு மட்டும் மின்சாரம் செலவிடப்பட்டால் நிச்சயம் நமக்கு மின்தட்டுப்பாடு வர வாய்ப்பே இல்லை. மின்துறை அமைச்சருக்கு முதுகெலும்பு உண்டா?

சொற்ப மின்சாரத்திற்காக கூடன்குளத்தை ஆதரிக்கும் இந்தியாவின் கைக்கூலிகள் இதற்கெதிராக குரல் எழுப்புவார்களா?

கருத்துகள் இல்லை: