வியாழன், 7 பிப்ரவரி, 2013

திராவிட கட்சிகளுக்குசமூகநீதியைப் பேசுவதில் என்ன தயக்கம் இருக்கிறது - தோழர் கொளத்தூர் மணி செவ்வி

செல்வம் (கேப்டன் செய்தி தொலைக்காட்சி):
சமூகநீதியைப் பேசித்தான் ஆட்சியைப் பிடித்தார்கள். சமூகநீதியைப் பேசுவதில் அவர்களுக்கு (திராவிட கட்சிகளுக்கு) என்ன தயக்கம் இருக்கிறது.

தோழர் கொளத்தூர் மணி:
தமிழ்நாடு தனிநாடல்ல. இந்தியாவின் அடிமை நாடுகளில் ஒன்று. அல்லது இந்தியாவுடன் பிணைக்கப்பட்டிருக்கிற ஒரு நாடு. வருமான வரித்துறையும் புலனாய்வுத் துறையும் மத்திய அரசின் கையில் இருக்கிற வரை ஊழலே வாழ்வாகிப்போன நம்முடைய அரசுக்கு பொறுப்பேற்கிற எல்லோரும் அந்த இரண்டைப் பார்த்து அஞ்சுகிறார்கள். அந்த இரண்டை நிறைவு செய்வதற்காக உயர்ஜாதிக்காரர்களை அனுசரித்துச் செல்லவேண்டும் என்பதால்தான்; திராவிட முன்னேற்றக் கழகம் தனது ஆட்சிக்காலம் முழுவதும் பார்ப்பனர்களையே தலைமைச் செயலாளர்களாக கொண்டிருந்தது; ஜெயலலிதா கொள்வதில் வியப்பில்லை. ஆனால் கருணாநிதியும் அப்படித்தான் வைத்திருந்தார். அரசு வழக்கறிஞர்களாக வைத்திருந்தார். காவல்துறை தலைவர்களாக அப்படித்தான் வைத்திருந்தார். இந்த போக்கு அவர்களது நேர்மையான ஆட்சியின்மையையும் மத்திய அரசின் வருமானவரித்துறையும் புலனாய்வுத்துறையும் ஏற்படுத்தியிருக்கிற அச்சமும்தான் அவர்களை கொள்கையை விட்டு அனுசரித்துப்போக வைக்கிறது.

கருத்துகள் இல்லை: