Wednesday, July 4, 2018

தமிழ்சினிமாவின் சூரியன் | வே.மதிமாறன் | குலுக்கை





1. அரசியல் அறிவோ, மக்கள் நலன் சார்ந்த கண்ணோட்டமோ இல்லாத ரஜினிதான் நல்லாட்சி தருவார் என்று சொல்வது ரசிகர்கள் அல்ல; பார்ப்பன அறிவுஜீவிகள்.

2. ரஜினி அரசியலுக்கு வரமாட்டார்னு லதாவுக்கே தெரியும்; எந்த லதாவுக்கு?

3. கமல் முதல்வராக முடியாதென்று கவுதமி, சரிகா, வாணிஸ்ரீ எல்லோரும் சிரித்துக்கொண்டிருப்பார்கள்.

4. பாஜகவும் பார்ப்பனர்களும் திமுகவுக்கெதிராக மூன்று முகங்களை உருவாக்குகிறார்கள். அந்த மூவர் தினகரன், ரஜினி, கமல்.

5. சுமந்த் சீ.ராமனிடம் சொன்னேன்; நீங்க பாஜகன்னா நான் திமுக.

6. நம்மால் வீழ்த்தமுடியவில்லை; ஆனால், கடல் என்ற ஒரு படத்தில் ஜெயமோகன் மணிரத்னத்தின் சேப்டரையே க்ளோஸ் பண்ணிவிட்டார்.

7. சாருநிவேதிதாவுக்கு எழுதத்தெரியாதுன்னு ஜெயமோகனும் ஜெயமோகனுக்கு எழுதத்தெரியாதுன்னு சாருநிவேதிதாவும் சொல்லிக்கொள்கிறார்கள். ஆனால், கலைஞரைப் படிக்காமலே விமர்சிப்பதில் இருவரும் கூடிக்கொள்கிறார்கள்.

8. எழுதப்படிக்கத் தெரியாத மக்களின் தெருக்கூத்து, அவர்களுக்கு எதிரான கலைவடிவமாகவே இருந்துவருகிறது.

9. சமூகநீதி அரசியலுக்கு வெளியில் இருந்தவர்களையும் சமூகநீதி கண்ணோட்டத்துடன் படம் எடுக்கவைத்தது கலைஞரின் படைப்பரசியல்.

10. இந்துவாக நினைத்துக்கொண்டிருந்தவர்களை தமிழன் என்று உணரவைத்தது கலைஞரின் பேனா.

11. அம்பாள் எந்த காலத்திலடா பேசினாள் என்பது கூட மறைமுகம். ஆனால், அய்யர் பையன்தான் திருடன் என்று அய்பதுகளிலேயே சொல்லிவிட்டார் கலைஞர்.

12. காதலியை அமாவாசையோடு தொடர்புபடுத்தி வசனம் வைக்கும் தில் இந்தியாவிலேயே கலைஞர் ஒருவருக்குத்தான் இருந்தது.

13. பாரதிதான் மகாகவி என்று எல்லோரும் கொண்டாடும்போது பாரதிக்கு இணையாக பாரதிதாசனை முன்வைத்தது திமுகதான். குறிப்பாக கலைஞர்.

14. கேரளாவில் கண்ணகி சிலை பராமரிக்கப்படவில்லை என்கிற தமிழ்த்தேசியவாதிகளே, இலை மலர்ந்தால் ஈழம் மலரும் என்று உங்களால் நம்பப்பட்ட ஜெயலலிதா, மெரினா கடற்கரையில் இருந்த கண்ணகி சிலையை அடியோடு பெயர்த்தாரே அப்போது எங்கே போனீர்கள்.

15. கலைஞரை அடித்துத் துன்புறுத்தி அவரது நெஞ்சில் அணிந்திருந்த பெரியார் படத்தை கிழிக்கமுயற்சித்தபோது, பெரியாரை நெஞ்சோடு அணைத்துக்கொண்டு ஓடினாரே, அந்த ஓட்டம்தான் அவரை கோட்டை வரை கொண்டுபோய் சேர்த்தது.

(கலைஞர் தமிழ்ச்சங்கம் புதுக்கோட்டையில் நடத்திய கலைஞர் பிறந்தநாள் விழாவில் தோழர் வே. மதிமாறன் வெடித்த பட்டாசு)

No comments: