ஈகை திறன்

அப்பாவின் நினைவுகள்

2012-01-23T20:09:00.000-08:00

அப்பாவின் நினைவு
அடிக்கடி வருவதில்லை.

அவர் இல்லாத வெறுமையை
உணர்ந்தேனென்றும் சொல்வதற்கில்லை.

வலிந்து நினைப்பதுண்டு
சில நேரம்.

குடியால் சிவந்த அவரது கண்கள்...

போதை தந்த விடுதலையில்
"செல்லக்குட்டிப்பயல்
செல்லக்குட்டிப்பயல்"
என்று பித்துதீர அழைத்தது...

நகர கடைத்தெருவில்
என் விரல்பிடித்து அழைத்துச்சென்றது...

என
சிலநினைவுகளை
தன்னியல்பாகவோ
வலிந்தோ
நினைவுகூறுகிறேன்.

சிலநேரம்....

மாநகரின் போக்குவரத்து நெரிசலில்
பச்சைவிளக்குக்காக காத்திருக்கையில்
இருசக்கரவாகனத்தின் பின்னிருக்கையில்
அமர்ந்துகொள்கிறார்.

தூக்கமற்ற நள்ளிரவுகளில் பார்த்திருக்கிறேன்
அயர்ந்துறங்கும் என்மகளைப் பார்த்தபடி
நின்றுகொண்டிருக்கிறார்.

அரிதாக
வருமானத்திற்கான பணியொன்றை
நான் செய்தால்
புன்முறுவல் செய்கிறார்.

தோளில் கனக்கும்
அப்பாவைவை
இறக்கிவிட வழியறியேன்.

நிழற்படங்களால் ஒரு குறும்படம்

2012-01-20T09:19:00.000-08:00

‘தட்சிணப் பிரதேச’ திட்டத்தை எதிர்த்து 1956 இல் பெரியார் முழக்கம்: தனித் தமிழ்நாடு பெறுவதே - நமது ஒரே இலக்காக வேண்டும்!

2012-01-04T03:13:00.000-08:00

தேவி குளம், பீர்மேடு பகுதிகளை தமிழ்நாட்டுடன் இணைக்க வேண்டும் என்று போராடிய ஒரே தலைவர் ம.பொ.சிவஞானம் (ம.பொ.சி.) என்றும், பெரியார், அதற்கு ஆதரவு தரவில்லை என்றும், சிலர் பேசவும், எழுதவும் புறப்பட்டுள்ளார்கள். ‘திராவிட’ கட்சிகள், மலையாளிகள், கன்னடர்கள், தெலுங்கர்களோடு சமரசம் செய்துகொண்டு தமிழர்களுக்கு துரோகம் செய்துவிட்டதாகவும் பேசி வருகிறார்கள். இந்த நிலையில் தேவிகுளம், பீர்மேடு பகுதிகளை (இப்போது கேரளாவில் அடங்கியுள்ள பகுதிகள்) தமிழகத்தோடு இணைக்கவேண்டும் என்ற போராட்டத்தில் ம.பொ.சிக்கும் தனக்கும் இடையே நடந்த பேச்சு வார்த்தைகளை விரிவாக விளக்கி, பெரியார் 29.1.1956 ஆம் ஆண்டு வேலூரில் நிகழ்த்திய சொற்பொழிவை இங்கு வெளியிடுகிறோம். பெரியாரின் இந்த பேச்சு, பல உண்மைகளை வெளிச்சப்படுத்துகிறது.

1953 ஆம் ஆண்டு ஆந்திர மாநிலம், மொழியடிப்படையில் பிரிக்கப்பட்டதைத் தொடர்ந்து, தமிழ்நாட்டிலும் அப்படி ஒரு கோரிக்கை வந்துவிடும் என அஞ்சிய இந்திய தேசிய பார்ப்பனர்கள், தமிழ்நாடு, கன்னடம், கேரளா என்ற மூன்று மாநிலங்களையும் ஒருங்கிணைத்து ‘தட்சிணப் பிரதேசம்’ என்ற அமைப்பை உருவாக்கத் திட்டமிட்டனர். தமிழர்களுக்கு தனிநாடு கோரிக்கையை வலியுறுத்தி வந்த பெரியார், ‘தட்சிணப் பிரதேசம்’ கொண்டுவரும் முயற்சிகளைக் கண்டு கொதித்தெழுந்து, அதை முறியடித்தே தீரவேண்டும் என்று தீவிரமாக களமிறங்கினார். தேவிகுளம், பீர்மேடு பகுதிகளை மீட்க வேண்டும் என்ற கோரிக்கையை ஆதரித்தாலும், அதைவிட பேராபத்து, ‘தட்சிணப் பிரதேசம்’ உருவாக்கும் முயற்சியே என்பதை பெரியார் எடுத்துக்காட்டி எச்சரித்தார். தனக்கும் ம.பொ.சிக்கும் இது தொடர்பாக நடந்த பேச்சுவார்த்தை - கடிதத் தொடர்புகளையும் பெரியார் இந்த உரையில் விரிவாக விளக்கியுள்ளார்.

மலையாளிகள் எதிர்ப்பில் பெரியார் காட்டிய உறுதியையும், இந்த உரையைப் படிப்பவர்கள் உணர முடியும்.

- ஆசிரியர், புரட்சிப் பெரியார் முழக்கம்

சனவரி, 5 - 2012

29.1.56 ஆம் தேதி மாலை 6 மணிக்கு வேலூர் டவுன் ஹாலில் நடைபெற்ற திராவிடர் கழகப் பொதுக்கூட்டத்தில் பெரியார் ஆற்றிய சொற்பொழிவு:

தமிழ்நாட்டிற்கு இந்திய அரசாங்கம் இழைத்துவரும் கொடுமைகளைக் கவனித்தால் மிகவும் முக்கியமாக நான்கைந்து விஷயங்களில் நாம் கிளர்ச்சி செய்ய வேண்டியவர்களாக இருக்கிறோம். அவைகளில் ஒன்றாக தமிழ்நாட்டுடன் இணைக்கப்படவேண்டிய தமிழர்கள் பெரும்பான்மையும் வசித்துவரும் தேவிகுளம்-பீர்மேடு போன்ற பகுதிகளைத் தமிழ்நாட்டுடன் சேர்க்கவேண்டும் என்பதே. ஆனால் இது அவசியமற்றதாகிவிட்டது.காரணம் தலைக்கே ஆபத்து வருகையில் தலைப்பாகையைப் பத்திரப்படுத்தவேண்டும் என்ற அவசியம் இல்லை. அதைப்போல் நம்முடைய அடிப்படையான நாட்டுக்கே கேடு வருகையில் இப்போது தேவிகுளம்-பீர்மேடு என்று கதறுவதில் பலன் இல்லை. முதலில் நாட்டைக் காப்பாற்றும் முயற்சியில் ஈடுபட்டு நாட்டைக் காப்பாற்றி அதன்பிறகு வேண்டுமானால், தேவிகுளம், பீர்மேடு பற்றிய கவலை கொள்ளலாம்.

இன்றைய தினம் நாட்டையே பறிகொடுக்கும் நிலைமையில் தட்சிணபிரதேசம் என்று அமைக்க திட்டமிட்டிருக்கிறார்கள். தட்சிணபிரதேசம் அப்படி அமைக்கப்படுமானால் நாம் தமிழ்நாடு என்று கூறிக்கொள்ளவும் முடியாது. தமிழ்நாடு என்ற பெயரையே மறைத்துவிடுவார்கள். இன்றைக்குள்ள சென்னை நாடு என்பது மாற்றப்பட்டு தமிழ்நாடு என்று பெயரிடும்படி கேட்கிறோம். அப்படி இருக்க தட்சிண பிரதேசம் என்ற பெயரைக் கொடுத்தார்களானால் நம் நாட்டின் பெயர் அடியோடு மறைந்துபோகும். ஆகவே தட்சிணபிரதேச அமைப்பு முயற்சியை முறியடிக்க முதலில் முயற்சி செய்யவேண்டிய அவசியம் உள்ளவர்களாகஇருக்கிறோம்.

எப்பொழுது தட்சிணப்பிரதேசம் அமைக்கப்படும் என்ற செய்தி வெளியானதோ, அன்றைய தினமே பீர்மேடு - தேவிகுளம் பற்றிய பிரச்னை செத்துப்போய்விட்டது என்பது பொருள். தட்சிணப் பிரதேசம் உயிர்பெற்று எழுந்திருக்க ஆரம்பித்தவுடன் பீர்மேடு இந்நாட்டுடன் இருந்தால் என்ன அல்லது மலையாளத்துடன் இருந்தால் என்ன? மலையாள நாடு, கன்னட நாடு, தமிழ்நாடு மூன்றையும் சேர்த்து தட்சிணப்பிரதேசம் என்று கூறுகையில் எல்லாம் ஒன்றைப்போல் பாவித்துதான் எதையும் செய்வார்கள்.

விளம்பரத்துக்கான போராட்டம் தேவையில்லை.

ஆகவே பீர்மேடு - தேவிகுளம் போன்ற பகுதிகளுக்கு தற்சமயம் கிளர்ச்சி அவசியம் இல்லை. தட்சிணப் பிரதேச அமைப்பு செத்துப்போகுமானால், அதன் பிறகுதான் பீர்மேடு - தேவிகுளம் பற்றிய கிளர்ச்சிக்கு உயிர் உண்டாகும் அவசியம் இருக்கிறது. ஆனால், ஒரு சில சுயநலக்காரர்கள் விளம்பரத்திற்கென்றும், வீண்வேலைக்கென்றும் கிளர்ச்சி கிளர்ச்சி என்று மக்களைத் தூண்டிவிட்டு தகாத காரியங்களில் ஈடுபடச்செய்கிறார்கள். மக்கள் ஒன்றும் அறியாதவர்களாய் கிளர்ச்சி என்றவுடன் சிந்தித்துப் பார்க்காமல் கண்மூடிக் கொண்டு எதையும் செய்கிறார்கள்.

தட்சிணப் பிரதேச அமைப்பு மட்டும் வருமானால், இங்கு இப்போது பார்ப்பான் மட்டும் இருந்து கொண்டு நம் உயிரைக் குடித்துக் கொண்டிருப்பது போதாது என்று மலையாளிக் கூட்டமும் இங்கே வந்து நிரம்பிவிடும். இவை இரண்டும் சேர்ந்து நம்மை அழுத்திக் கொண்டிருக்கும்; நம்மை முன்னேற விடாது. ஒன்றுக்கும் தலையெடுக்காதபடி நம்மை என்றைக்கும் கூலிகளாகவே வைத்திருப்பார்கள்.

ஏறக்குறைய பார்ப்பனக் குறும்பும், மலையாளக் குறும்பும் ஒன்றுதான். இரண்டிற்கும் ஒற்றுமை அதிகம். பார்ப்பானுக்குள்ள புத்தியெல்லாம் மலையாளிக்கு உண்டு. பார்ப்பானைப்போலவே மலையாளிகள் மான-ஈனமில்லாதவர்கள், மற்ற நாட்டில் போய் அண்டிப் பிழைக்கிறோமே என்ற எண்ணம்கூட இருக்காது. எதற்கெடுத்தாலும் திமிராகப் பேசவும் பார்ப்பானைப் போல் தந்திரமாகப் பேசவும்தான் தெரியும்.

மலையாளிகள் தூண்டுதல்.

தட்சிண பிரதேச அமைப்பு முயற்சியே மலையாளிகளின் தூண்டுதலால் தான் உண்டானது. முன்பு சிறிது நாட்களுக்கு முன் இதைப் போன்றே திடீரென்று தட்சிணப்பிரதேசம் அமைக்கப் போவதாகக் கூறினார்கள். அதற்கு என்னுடைய சம்மதமும் கிடைத்துவிட்டதாக வெளியிட்டார்கள். உடனே நான் என்னைக் கேட்காமல் இவ்வளவு துணிச்சலாக பத்திரிகையில் வெளியிடும் அளவுக்கு வந்துவிட்டதே என்று உடனே மத்திய அரசாங்கத்திற்குத் தந்தி கொடுத்து நான் தட்சிணப்பிரதேச அமைப்பை வண்மையாகக் கண்டிக்கிறேன் என்று தெரிவித்தேன். மேலும் பத்திரிகை வாயிலாகவும் அதற்கான மறுப்புகளையும் எழுதிவந்தேன். அதன் பிறகு அந்தப் புகை அப்படியே இருந்து அடங்கிப் போய்விட்டது. இப்போது மறுபடியும் முளைப்பதற்கு ஆரம்பித்திருக்கிறது. இதுவும் மலையாளிகளின் தூண்டுதல்தான்.

மலையாளிகளுக்கு வடக்கே கொஞ்சம் செல்வாக்கு உண்டு. நேரு கூட மலையாளிகளின் யோசனையைக் கேட்ட பிறகுதான் எதையும் வெளியிடுவார். எனவே மலையாளிகள் நேருவிடம் சொக்குப்பொடி தூவி மயக்கி, அவருடைய முயற்சியால் இந்த அமைப்புமுறை வருவதாகத் தந்திரம் செய்கிறார்கள். நேருவும் மலையாளிகளுக்கு ஏற்றபடி கூத்தாடுபவர். இன்றைக்கு மலையாளிகளின் பாக்கெட்டிலேயே நேரு மாட்டிக்கொண்டிருக்கிறார். தன்னிடம் உள்ள நேருவை மலையாளிகளும் சும்மா வைத்திருப்பதில்லை. ஏதோவது ஒன்றைக் கூறி தூண்டிவிட்டுக் கொண்டே இருக்கிறார்கள். அதில் ஒன்றுதான் தட்சிணப்பிரதேசம் என்பது. காரணம் மலையாள நாடு மிகவும் சிறியநாடு. பிள்ளைக்குட்டிகள் அதிகம் பெறுகிறார்களே தவிர, அவற்றை அங்கே வைத்துக் காப்பாற்ற போதிய வசதி இல்லை. நாட்டின் பரப்பளவுக்கு ஏற்ற முறையில் இல்லாமல் அங்கு ஜனத்தொகை அதிகம். இப்போதுள்ள மலையாள நாட்டைப்போல் இரண்டு மூன்று பங்கு பரப்பளவு இருந்தாலும் அங்குள்ள மக்கள் பிழைக்கப் போதிய வசதி இருக்காது. ஆகவே அந்நாட்டில் அடங்கியதுபோக எஞ்சியவர்கள் வெளியே சென்று பிழைக்க வேண்டிய நிலைமையில் இருக்கிறார்கள். மிகவும் பரிதாபத்துக் குரியதென்றாலும், அதுகள் நம்முடைய உயிரையா வாங்கவேண்டும்?..... இப்போது கழுத்தைக் கடித்து ரத்தத்தை உறிஞ்சும் குள்ளநரிக் கூட்டம் இருந்துகொண்டு இருக்கிறது. அத்துடன் மற்றொரு வேங்கைக் கூட்டமும் இங்கு வந்துசேர்ந்தால் நம்முடைய அழிவுக்கு அவை இரண்டுமே முடிவு செய்துவிடும். இருந்தாலும் தங்கள் மலையாள நாட்டில் பிழைக்க வழியில்லை என்பதற்காக நம் தமிழ்நாட்டில் வந்து பிழைக்கவேண்டுமா? இங்குள்ள தமிழனே மலேசியா, சிலோன் என்று வாழ்கிறான். அங்குச் சென்றவர்கள் எல்லாம் அங்கங்கே துரத்தப்படுகிறார்கள். அவர்கள் இங்கு தமிழ்நாட்டிற்குத் திரும்பி வந்தவுடன் அவர்களுக்கு என்ன வழிசெய்வது என்பதே தெரியவில்லை. அப்படி இருக்க எங்கோ கிடக்கும் மலையாளக் கூட்டம் இந்நாட்டில் புக எத்தனிக்கிறது. தமிழர்களுக்கு மிகவும் வேதனையாகத்தான் இருக்கிறது.

பார்ப்பான் - மலையாளி உறவு.

பார்ப்பானுக்கு இதைப் பற்றியே கவலையே கிடையாது; ஏனெனில் மலையாள சாதி இன உணர்ச்சியற்ற சாதி, பார்ப்பான் சொல்படி பாட்டுப் பாடும் சாதி, அதற்கு பார்ப்பான் - தமிழன் என்ற பாகுபாடு தெரியாது. ஏறக்குறைய பார்ப்பன நாகரிகத்திற்கும் மலையாள நாகரிகத்திற்கும் ஒற்றுமையுண்டு. இப்போது கூடப் பார்க்கிறோம். பார்ப்பான் ஒரு உத்யோகத்தில் இருந்தால் அவனால் எத்தனை தமிழனை முன்னுக்கு வரமுடியாமல் செய்யமுடியுமோ அதைப் போன்றே மலையாளியும் செய்கிறான். ஆனால் பார்ப்பனர்களுக்கும் மலையாளிகளுக்கும் ஒருவருக்கொருவர் உதவி செய்துகொள்வார்கள். தமிழன் என்றால் மலையாளி கவலை கொள்வதே கிடையாது. மேலும் தன்னால் முடிந்தவரை மலையாளியை முன்னுக்குக் கொண்டுவருவதிலேயே இருப்பான். இப்படி இந்த இரண்டு சாதியும் அதனதன் காரியத்திலேயே கண்ணும் கருத்துமாய் இருந்து இந்நாட்டைப் பாழாக்கி நம் மக்களைக் கொடுமை செய்கின்றன.

எப்படியோ மலையாளிகளின் எண்ணிக்கை இந்நாட்டில் பெருகிவிட்டது. பார்ப்பான் எத்தனை பேர் உத்யோகத்தில் இருக்கின்றானோ அதைப்போன்றே மலையாளிகளும் இருக்கின்றனர். நாம் பார்ப்பனரல்லாதவர்களுக்கும் உத்யோகம் கொடுக்கவேண்டுமென்று கேட்டால் யாராவது மலையாளிக்குக் கொடுத்துவிட்டு பார்ப்பனன் அல்லாதவனுக்கு உத்யோகம் கொடுத்திருக்கிறேன் என்று தந்திரமாகக் கூறிவிடுகின்றனர். இப்படி எந்த உத்தியோகத்தை எடுத்துக் கொண்டாலும் பார்ப்பனர்கள் அல்லது மலையாளிகளே ஆக்கிரமித்துக் கொண்டிருக்கிறார்கள்.

மலையாள நாட்டில் ஆண்களுக்குச் சொத்துரிமை கிடையாது. பெண்களுக்குத்தான் சொத்துரிமை உண்டு. மலையாளிகள் தங்கள் குழந்தைகளுக்கு எப்படியாவது கல்வி புகட்டி விடுவார்கள். இங்கு பார்ப்பனர்கள் படித்திருப்பதைப் போன்று மலையாளிகள் எல்லாம் படித்திருக்கிறார்கள். படித்தபின் வேலை தேடுவதற்கு ஆரம்பித்தவுடன் அந்நாட்டில் எத்தனை பேருக்குத்தான் வேலை கிடைக்கும்? அங்கு ஒரு சிலருக்கு மட்டும்தான் வேலை கிடைக்கிறது. மற்றவர்கள் வெளிநாட்டிற்குச் சென்று வேலை தேடுகிறார்கள். எங்கே வேலை கிடைக்கிறதோ அங்கேயே நிரந்தரமாக வசிக்க ஆரம்பிக்கிறார்கள். அப்படி வேலை தேடிக்கொண்ட கூட்டம்தான் இன்றைக்கு நம்நாட்டில் எங்கிலும் அவர்களாகவே செய்கிறார்கள். அங்கே பிழைக்க வழியின்றி போய் இந்நாட்டில் வந்து புகுந்து நமக்குத் தொல்லை கொடுக்கிறார்கள். வேலை கிடைக்கவில்லை. நாட்டில் வசிக்க இடமில்லை என்றால், அந்தமானுக்குப் போவதைவிட்டு இங்கே வந்து நம் உயிரை வாங்குகிறார்கள்.

அவர்களுக்கு சூத்திரர்களாக இருப்பதால் மானம் என்பது சிறிதும் கிடையாது. சூத்திரர்களாக இருப்பதால் அதை இழித் தன்மையாகக் கருதுவதில்லை. பார்ப்பனனுடைய வைதீக மூடப்பழக்க வழக்கங்கள் அத்தனையும் அப்படியே ஒப்புக் கொள்ளுகிறவர்கள். அப்படிப்பட்டவர்களை நம்முடன் கொண்டுவந்து சேர்க்க முற்படுவது நம்மை இன்னும் கீழானவர்களாக இருக்கச்செய்யவே ஆகும்.

மேலும் வடநாட்டினருக்கு என்றைக்கும் அடிமைகளாக இருக்கவேண்டிய அவசியம் கொண்டவர்கள். ஏன் என்றால் தனித்து வாழுவதென்றால் அவர்களால் முடியாத காரியம். இப்போதே அங்கு பிழைக்க இடமில்லை என்றுதானே வெளியே ஓடுகிறார்கள். தனித்து வாழுவதற்கு முற்பட்டால் தன் நாட்டு எல்லையை விட்டு வெளியே போகமுடியாது. எனவே இப்படி கும்பலுடன் வாழ்ந்தால்தான் - அதுவும் வட நாட்டின் அடிமையில் இருந்தால்தான் கண்ட இடமெல்லாம் ஓடிப்பிழைக்க முடியும். இன்றைக்கு வடநாட்டான் கூறுகிறபடி கேட்டால்தான், நாளைக்கு வடநாட்டானிடமிருந்து சலுகை கிடைக்கும். இப்போது அவர்களுக்கு சலுகை கொடுப்பதற்குத்தான் தட்சிணப்பிரதேசம் அமைக்கிறார்கள் என்பதிலிருந்து நன்கு புரிந்து கொள்ளலாம்.

இவ்விதம் அக்கிரமக்காரர்களால் ஆளப்படும் ஜனநாயக ஆட்சி மிகக் கொடூரமான முறையில் ஒன்றை விட்டு ஒன்றாக நமக்குத் தொல்லை கொடுத்துக்கொண்டே இருக்கிறது. என்றைக்கு இந்த “ஜனநாயக” ஆட்சி அழிக்கப்படுகிறதோ, அன்றைய தினம்தான் நம்நாடு நிம்மதியான வாழ்க்கை வாழமுடியும். அக்கிரமச் செயல்களை எல்லாம் துணிந்து செய்கின்றனர். செய்வது தப்பு என்று தெரிந்து கொண்டும் வீண் விவாதத்திற்காகிலும் நம் மக்களுக்குத் தொல்லைகொடுக்க முற்படுகிறார்கள்.

காட்டிக் கொடுக்கும் பார்ப்பனர் கூட்டம்.

இதற்குத் தகுந்தபடி இந்நாட்டு பார்ப்பனர்களும் காட்டிக்கொடுக்கிறார்கள். காட்டிக்கொடுக்கும் புத்தியும், வடநாட்டுடன் சேர்ந்து கூத்தாடும் புத்தியும் கொண்ட பார்ப்பனர்கள் என்றென்றும் நமக்குத் தொல்லைகளையே விளைவித்துவந்து இன்றைய நிலையிலும் பெரும்தொல்லை கொடுக்கிறார்கள். அதற்குத் தகுந்தபடி பார்ப்பனப் பத்திரிகைகள் கொட்டை எழுத்துக்களில் எழுதுகின்றன. எவனாவது ஒரு அன்னக்காவடி தட்சிணப்பிரதேசம் வேண்டும் என்று சொல்லி இருப்பானாகில் உடனே அவர் ஆதரித்தார், இவர் ஆதரித்தார் என்று எழுதுகின்றன. பெரும் அளவில் மக்கள் எதிர்த்தால் அதை உடனே மூடிவிடுவார்கள். எதிர்த்த விஷயம் வெளியில் வராதபடி மறைத்து விடுகிறார்கள்.

பார்ப்பனர்களின் பேச்சைக் கேட்டுக்கொண்டு மற்றவர்களும் தலைகால் தெரியாமல் கூத்தாடுகிறவர்கள் ஏதோ பார்ப்பனருக்கு நல்ல பிள்ளையாக வேண்டுமே என்பதற்காக எதையும் கண்மூடித்தனமாகப் பின்பற்றுவது என்பது ஒரு சிலருக்கு வழக்கமாய்ப்போய்விட்டது. அப்படி இருந்தால்தான் நாளைக்கு அக்ரகாரத்தில் பொறுக்குவதற்கு வசதியாயிருக்கும்? அந்த காரியத்தை உத்தேசித்து எதையும் முட்டாள்தனமாகச்செய்வது என்பதும் அதைப் பொதுநலம் என்று கூறிக் கொள்வது அதைவிட மிகமோசமானதென்றும்தான் கூறவேண்டும்.

தட்சிணப்பிரதேசம் அமைக்கப்படுமானால் அதனால் விளையும் நன்மை, தீமைகள் என்ன என்பதை சிந்தித்துப் பார்க்கவேண்டும். பாமர மக்கள் சிந்திக்கவில்லை என்பது அதிசயம் இல்லை. இதுவரை பார்ப்பான் பேச்சைக் கேட்டுக்கொண்டு ஆயிரக்கணக்கான ஆண்டுகளாக மடைமையிலேயே இருந்தவர்கள் இன்னும் போதிய அறிவுபெற்று பக்குவமாக்கப்படவில்லை.

ஆனால், பொதுநலத்திற்கென்றும் நாட்டின் நன்மைக்கென்றும் பாடுபடுகிறேன் என்று கூறிக் கொண்டிருப்பவர்கள் இதைப் பற்றி சிந்திக்கவில்லையே என்பது அவர்களின் முட்டாள்தனத்தைக் காட்டுவதுமன்றி அவர்களின் ஏமாளித்தனத்தைக் கண்டு பரிதாபப்படும் அளவில் இருக்கிறது. இப்படிப்பட்ட பொதுநலத் தொண்டர்கள் தலைவர்கள் என்பவர்கள்கூடப் பார்ப்பனர்களின் பேச்சில் மயங்கிவிடுகிறார்கள் என்பதைக் குறித்து மிகமிகப்பரிதாபம் அடைகிறேன்.

ஆனால், என்னைப் பொறுத்தமட்டிலும் யார் சொன்னபோதிலும் என்னுடைய மனதுக்குப் பிடித்தமானதையே செய்யமுற்படுவேன். மற்றவர்களின் தாட்சண்யத்திற்கு எதையும் பின்வாங்குகிறவன் இல்லை. கொடி எரிப்புப்போராட்டம் துவக்கியது காமராசர் ஆட்சியில்தான். கொடி எரிப்பு மட்டும் நடந்திருக்குமானால் காமராசர் சும்மா இருந்திருக்கமாட்டார். அப்போதும் எங்களுக்கு அவர் சட்டப்படி ஏதும் தண்டனை கொடுத்தே இருப்பார். அப்படிஇருக்க நான் அவருடைய தயவுக்காகவோ அவருடைய யோசனையின் மீதோ எதையும் பின்பற்றும் அவசியம் இல்லை.

இப்போது தட்சிணப்பிரதேசம் அமைக்கப்படுமானால் நான் காமராசர் ஆட்சி என்பதற்காக சும்மா இருக்கமாட்டேன். கொடி எரிப்புப்போராட்டத்தைவிட இன்னமும் திடுக்கிடும்படியான போராட்டத்தைச் செய்யத்தான் திட்டமிட்டுக்கொண்டுதான் இருக்கிறேன். கொடி எரிப்புப்போராட்டம் மிகச்சிறிய விசயம். அதனால் பொருள் கஷ்டமோ உயிர் நஷ்டமோ அல்லது பொதுமக்களுக்குத் தொல்லையோ கொடுப்பது கிடையாது. மிகவும் சிக்கனச் செலவில் நடைபெறும் காரியம். ஆனால் காரியமோ மிகப் பெரிதுதான். அது வடநாட்டு ஆட்சியையே ஒரு கலக்கு கலக்கிவிட்டதே! பெரிய ஆட்கள் எல்லாம் முன்பு தார்கொண்டு இந்தியை அழித்ததற்கு அலட்சியமாக பதில் சொன்னதுபோல் இதற்கும் அப்படி அலட்சியமாக சொல்லவில்லை. எல்லோரும் என்ன ஆகுமோ என்று திகில் அடைந்துகொண்டுதானிருந்தார்கள். ஆனால் எப்படியோ சமாதானத்தின் பேரில் அப்போராட்டம் ஒத்திவைக்கப்பட்டு கைவசம் இருக்கிறது. ஆனாலும் தட்சிணப்பிரதேசம் அமைக்கப்படுமானால் அந்தப் போராட்டத்தைவிட மேலான போராட்டமும் கைவசம் இருக்கிறது. அதை உபயோகப்படுத்தத்தான் போகிறேன்.

இப்போதே தயாராகுங்கள்!

இதற்கு தோழர்கள் எல்லோரும் இப்போதே தயார் செய்துகொண்டிருக்கவேண்டும். என்னுடைய போராட்டத்திட்டம் வெளியாகும் நேரத்தைப் பார்த்துக்கொண்டிருக்கவேண்டும். அப்படி நாட்டின் விடுதலைக்கும் நாட்டினைக் காப்பதற்கும் நாட்டினைப் பறிகொடுக்காமல் மீட்பதற்கும் சிலர் செத்துப் போனால்கூட பாதகம் இல்லை. இப்படிப்பட்ட நல்ல காரியத்துக்கு உபயோகப் படாத உயிர் வேறு எதற்கும் வேண்டிய தேவைஇல்லை. ஆகவே இன்றைக்கு நம்முடைய முயற்சி எல்லாவற்றையும் தட்சிணபிரதேசம் அமைக்கப்படாத முறையில் பார்த்துக்கொள்வதற்குப் பயன்படுத்தவேண்டும்.

தோழர் ம.பொ.சி. முயற்சி.

நண்பர் ம.பொ.சி., தேவிகுளம் - பீர்மேடு சம்பந்தமான கிளர்ச்சிக்குத் திட்டமிடுவதற்கு என்னை அழைத்திருந்தார். 13.1.56 ஆம் தேதி எனக்கு அவர் எழுதிய கடிதத்தில் தங்களை எல்லைக்கிளர்ச்சி சம்பந்தமாகச் சந்தித்துப் பேசவிரும்புகிறேன். தாங்கள் விரைவில் சென்னை வருவீர்கள் என்று நம்புகிறேன் என்பதாக எழுதிஇருந்தார். பின்பு 16 ஆம் தேதி எனக்குத் தந்தி கொடுத்து சென்னைக்கு வரும்படி கேட்டிருந்தார். அவர் கொடுத்த தந்தியில்:

“Discussion about Border dispute. Like to meet in person Madras. Letter sent to Trichy” என்பதாக இருந்தது. நான் அதற்கு உடனே 19 ஆம் தேதி அன்றைய தினம் சென்னைக்கு வருகிறேன் என்பதாகத் தெரிவித்துவிட்டேன். அதற்கு அவர் 17.1.56 அன்று “Expect at Madras on 19th” என்று தந்தி கொடுத்திருந்தார். நண்பர் குருசாமியும் என்னுடைய கடிதத்தைப் பார்த்தபின் நண்பர் ம.பொ.சி.யைக் கலந்துபேசி அவரும் எனக்குத் தந்தி கொடுத்தார். அதில், “received letter consulted both; your presence nineteenth Thursday essential” என்பதாகக் கொடுத்திருந்தார். பிறகு 19 ஆம் தேதி அங்குச் சென்று நண்பர் ம.பொ.சி.யை ஒரு நண்பர் வீட்டுக்கு வரும்படி செய்து அங்கு இருவரும் சந்தித்துப்பேசினோம். அவர் கேட்டபடி எல்லைப் போராட்டம் சம்பந்தமாக நான் ஒப்புக்கொண்டேன் என்றாலும், என்னுடைய விருப்பத்தையும் அவர் ஒப்புக்கொண்டதற்குதான் அதில் ஒரு சரியான முடிவுக்கு வந்தோம்.

அவர் எப்படியாவது எல்லைப்போராட்டத்திற்கு மட்டும் என்னைச் சம்மதித்து போராட்டத்திற்கு ஆதரவு பெற்றுக்கொண்டால்போதும் என்று ஏதேதோ தந்திரமாகப் பேசினார். ஆனால் நான் விட்டுக் கொடுக்கவில்லை. இன்றைக்கு தமிழ் மக்களுக்கு எல்லைப் போராட்டம் மட்டும் முக்கியமில்லை. மொத்தம் நான்கைந்து குறைபாடுகளில் அகப்பட்டுக்கொண்டிருக்கிறோம். ஆகவே அத்தனைக்கும் கிளர்ச்சித் தொடங்குவதாக இருக்கவேண்டும். மேலும் நாம் எல்லைப் போராட்டத்திற்கு மட்டும் கிளர்ச்சி தொடங்கினால், நாம் இதுவரை எவையெவைகளை முக்கியம் என்று கருதிவந்தோமோ, அவைகளை எல்லாம் அலட்சியம் செய்துவிட்டு, இதைமட்டும் பெரிதாக நினைத்து கிளர்ச்சி செய்வதாக அரசாங்கத்தார் நினைத்துக்கொள்ளுவார்கள். எனவே எவைகள் முக்கியம் என்று தோன்றுகிறதோ அவைகள் அத்தனைக்கும் கிளர்ச்சித் தேவையாகும் என்று கூறினேன். அவரும் இறுதியில் ஒப்புக் கொண்டார்.

முக்கிய நிபந்தனைகள்:

• அதன்படி எல்லைக் கமிஷன் என்பது எல்லையை வரையறுப்பதில் தமிழ்மக்களுக்குச் செய்துள்ள ஓரவஞ்சனையான காரியங்களைத் திருத்துதல் முதலாவதாகும்.

• இரண்டாவதாக, இந்தி மொழியை யூனியனுக்கு ஆட்சி மொழியாகவும், இந்தியாவுக்கு தேசிய மொழியாகவும் ஆக்கப்படுவதற்கு பலவழிகளிலும் அரசாங்கம் முயற்சிப்பதைத் தடுப்பது.

• மூன்றாவதாகத் தமிழ்யூனியன் ஆட்சி என்பதில் படை, போக்குவரத்து, வெளிநாடு உறவு இவை தவிர்த்த மற்ற ஆட்சியின் உரிமைகள் அனைத்தும் தமிழ்நாட்டுக்குக் கிடைக்கும்படி செய்ய வேண்டும்.

இப்படிக் கூறுவதன் மூலம் திராவிடர் கழகத்தின் லட்சியமான தமிழ்நாடு யூனியனிலிருந்து விடுபட்டு பூர்ண சுயேச்சை உரிமையுடன் தனித்து இயங்கவேண்டும் என்பதாக முடிவுசெய்து கொண்டிருந்தாலும் அந்தக் கொள்கைக்குப் பாதகம் இல்லாமலும் மேற்கண்ட விஷயங்கள் பற்றிய கிளர்ச்சியை முன்னிட்டு மற்ற ஸ்தாபனக்காரர்களுடைய ஒத்துழைப்பையும் நட்பையும் முன்னிட்டு இந்த மூன்றாவது வாசகத்திற்கு இணங்குகிறது.

• நான்காவதாக, தமிழ்நாட்டுக்குத் தமிழில் சென்னை என்றும், ஆங்கிலத்தில் மெட்ராஸ் என்றும் பெயரிட்டிருப்பதை மாற்றி தமிழ்நாடு என்ற பெயரையே இருக்கும்படி செய்யவேண்டும் என்பது.

• அய்ந்தாவதாக தமிழ்நாட்டை தென்மண்டலம் என்ற அமைப்பு முறையின்படி மற்ற நாடுகளுடன் இணைக்கத் திட்டமிட்டிருப்பதை எதிர்ப்பது.

இந்த அய்ந்துக்கும் கிளர்ச்சி நடத்தவேண்டியது அவசியம். அதற்காகவே நம்முடைய முழு முயற்சியையும் பயன்படுத்தவேண்டும் என்று சொன்னேன். அதற்கு அவர் ஒப்புக்கொண்டு கிளர்ச்சிக்கு யார் யாரை சேர்த்துக்கெள்வது என்று கேட்டார்.

(தொடரும்)

ராஜாஜியின் கைத்தடியாக செயல்பட்ட தமிழர் தந்தை ம.பொ.சி

2012-01-04T01:34:00.000-08:00

• காங்கிரசுக்குள்ளேயே இருந்து கொண்டு 1946 ஆம் ஆண்டு ‘தமிழரசுக் கழகம்’ என்ற அமைப்பை உருவாக்கிய ம.பொ.சி., முதலில் ‘சுதந்திர தமிழரசு’ அமைப்பதே இதன் லட்சியம் என்று அறிவித்தார். பிறகு 1953 இல் வெளியார் சுரண்டல் இல்லாத தமிழகம் அமைந்தாலே போதும் என்று தனது கொள்கையை சுருக்கிக் கொண்டார்.

• மாநிலங்களை சுதந்திரமான உறுப்பு நாடுகளாக பிரிட்டிஷ் அரசே அங்கீகரித்ததால்தான், ‘சுதந்திரத் தமிழகம்’ என்ற கோரிக்கையை தாம் முன்வைத்ததாகவும், இந்தியாவிலிருந்து, தமிழகம் தனியே பிரிந்து நிற்கிறது என்று பொருளில் கூறவில்லை என்றும் பிறகு சுய விளக்கம் அளித்தார்.

• ‘இந்து’ பார்ப்பன நாளேட்டுக்கு ம.பொ.சி. எழுதிய ஒரு கடிதத்தில் , “என் ஆயுளில், இது வரை சுதந்திர தமிழ்க் குடியரசு தேவை என்று பேசியதே இல்லை; (தனிநாடு கேட்கும்) இந்த மாதிரியான பிளவு முயற்சிகளை எதிர்ப்பதற்காகவே தமிழரசு கழகம் தொடங்கப்பட்டது” என்று, தான் தனிநாடு கேட்பதாக ‘இந்து’ வெளியிட்ட செய்தியை மறுத்தார். இதை குத்தூசி குருசாமி கிண்டலடித்து ‘விடுதலை’யில் எழுதினார்.

• ம.பொ.சி. - ராஜகோபாலாச்சாரி பார்ப்பனரின் ‘கைத்தடி’யாக செயல்பட்டு காமராசரை கடுமையாக எதிர்த்தவர். காமராசர் எதிர்ப்புக்கு ராஜகோபாலாச்சாரி - ம.பொ.சி.யை பயன்படுத்திக்கொண்டார். இதை ராஜகோபாலாச்சாரியாரே மதுரை கூட்டம் ஒன்றில் பேசும்போது கூறினார்:

“என் தலைமையை எதிர்ப்பவர்கள் என்னைவிட அதிகமாக (ம.பொ.சிவஞானம்) கிராமணியாரையே தாக்குகிறார்கள். அதற்குக் காரணம் உண்டு. கிராமணியார் ‘வீரஅபிமன்யு’ போன்றவர். என்னால் உடைக்க முடியாத எதிரிகளின் வியூகத்தை உடைத்து அவர் என்னை உள்ளே அழைத்துச் செல்கிறார்” - என்று பேசினார். (ஆதாரம்: ம.பொ.சி. எழுதிய ‘எனது போராட்டம்’ நூல்)

• பார்ப்பனியத்தையும் இந்திய தேசியத்தையும் தமிழினத்தின் முதன்மையான பகைவர்களாக முன்வைத்துப் பெரியார் போராடினார். ஆனால், ம.பொ.சி. முதலில் ‘தனியரசு’ பேசி, பிறகு இந்திய தேசியத்துக்கு உள்ளிட்ட தமிழ்த் தேசியம் என்ற நிலைக்கு வந்து, அதன் பிறகு இந்திய ஒற்றுமைக்கு பங்கம் வராத மாகாண சுயாட்சி’ என்று கூறி, பிறகு மொழிவழி தேசியத்தையும் கைவிட்டு பெரியார் கொள்கைக்கு நேர் எதிரான மதவழி தேசியத்தை தூக்கிப் பிடித்தார்.

• “தேசிய ஒருமைப்பாட்டைக் கருதியேனும் ‘இந்து’க்கள், குறிப்பாகத் தமிழகத்தார் இந்துமதத்தை உறுதியாகக் கடைப்பிடித்து வர வேண்டியிருக்கிறது” என்று பேசினார். (26.8.1984 - ‘சமஸ்கிருத தின’ப் பேச்சு) “இந்தியாவின் ஆதி மதமான இந்துமதம்தான் இந்திய ஒருமைப்பாட்டின் ஆணிவேராக இருந்துவருகிறது”. ‘தமிழ்மொழி எனது தாய்மொழி; ஆனால் இந்தியன் என்ற முறையிலே, இந்து என்ற வகையிலே சமஸ்கிருதம் எனது கலாச்சாரமொழி’ என்கிறார். (ஆதாரம்: ம.பொ.சி. எழுதிய ‘தமிழும் சமஸ்கிருதமும்’ நூல்)

• திருமணங்களில் இனமானத்தோடு புரோகித மறுப்பு சுயமரியாதை திருமணங்களை பெரியார் அறிமுகப்படுத்தினார். ம.பொ.சி.யோ “சமஸ்கிருத மொழியைப் பிழையறப் பயின்று வைத்துப் புரோகித தொழில்புரிவோர் இருப்பார்களாயின், அந்தப் புரோகிதர்களைக்கொண்டு, தமிழர் தங்கள் வீட்டுத் திருமணங்களைச் செய்வதை ஏற்கலாம்” என்றார். (ஆதாரம்: மேற்குறிப்பிட்ட அதே நூல்)

• தனது மணிவிழா உட்பட தமது இல்ல நிகழ்ச்சிகள் அனைத்தும் ‘வைதிகச் சடங்குகளுடனேயே’ நிகழ்ந்தது என்று கூறும் ம.பொ.சி., சுயமரியாதைத் திருமணங்களை வெறுத்தார். திருமண வீடுகளில் சொற்பொழிவு நிகழ்த்துவது தேவையற்றது என்றார்.

• அப்பன் குலத்தொழிலை - பிள்ளை செய்யவேண்டும் என்று தொடக்கப் பள்ளிகளில், ஆச்சாரியார் அறிமுகப்படுத்திய குலக்கல்வித் திட்டத்தை எதிர்த்து பெரியார், போர்க்கொடி உயர்த்தியபோது, அத்திட்டத்தை ஆதரித்து தமிழரசு கழக செயற்குழுவில் தீர்மானம் நிறைவேற்றினார், ம.பொ.சி. ராஜகோபாலாச்சாரியின் குலக்கல்வித் திட்டத்தை ஆதரித்து, நாடெங்கும், ஊர்வலங்கள், பொதுக்கூட்டங்கள், மாநாடுகள் நடத்த முன்வந்தார். 1953 ஆம் ஆண்டு செப்டம்பர் 6 ஆம் தேதி மாயவரத்தில் (மயிலாடுதுறை) குலக்கல்வி திட்டத்தை ஆதரித்துப் பேசியதற்காக ம.பொ.சி. தாக்கப்பட்டார்.

• நாடு முழுதும் திராவிட இயக்க எதிர்ப்பு மாநாடுகளை நடத்தியவர் ம.பொ.சி. அதில் பேசிய விபூதி வீரமுத்து, அணுகுண்டு அய்யாவு போன்ற பேச்சாளர்கள் மிகவும் தரம் தாழ்ந்து பெரியாரையும், அவரது கொள்கைகளையும் ‘சாக்கடை’ மொழியில் - ம.பொ.சி. முன்பாகவே பேசி வந்தனர்.

• இரயில் நிலையங்களில் பெயர்ப்பலகையிலுள்ள இந்தி எழுத்துகளை தார்பூசி அழிக்கும் போராட்டத்தை பெரியார் நடத்தியபோது, பெரியார் இயக்கத்தினர் அடித்த தார்மீது, மண்ணெண்ணெய் பூசி, தாரை அழித்து, ‘இந்தி’ ஆதரவை வெளிப்படுத்தியவர் ம.பொ.சி.

• ம.பொ.சி. - பெரியாரின் பார்ப்பனிய - இந்தியதேசிய எதிர்ப்பை மடைமாற்றிட வந்த பார்ப்பன ஆச்சரியாரின் கைத்தடி; ராஜகோபாலாச் சாரிக்காகவே தட்சிண பிரதேச எதிர்ப்பைக் கைவிட்டவர்; ‘திராவிட’ இயக்கங்களை எதிர்க்கக் கிளம்பிய இவர், பிறகு திராவிட கட்சிகளின் ஆட்சிகளிலேயே பதவிச்சுகங்களை அனுபவித்தவர்; தி.மு.க. ஆட்சியில் மேலவை துணைத்தலைவராகவும், அ.தி.மு.க. ஆட்சியில் மேலவைத் தலைவராகவும் பதவிபெற்றவர்.

(ஆதாரங்கள்: கவிஞர் கருணானந்தம் எழுதிய ‘தந்தை பெரியார் வாழ்க்கை வரலாறு’; சுப. வீர பாண்டியன் எழுதிய ‘இடதுசாரி தமிழ் தேசியம்’)

(பெரியார் உரை - உள்ளே)

நன்றி: புரட்சிப் பெரியார் முழக்கம் சனவரி 5, 2012

இந்தியா என்ற அமைப்புக்குள் இருந்து நாம் வெளியேறியாகவேண்டும். - பெரியார்

2012-01-03T00:52:00.000-08:00

மனிதன் காட்டுமிராண்டியாக இருந்து கொஞ்சம் கொஞ்சமாக மாற்றம் பெற்று மனிதனாக வளர்ந்து வருகிறான். ஆதிகாலத்தில் மனிதன் மிருகத்துக்கும் அவனுக்கும் வித்தியாசம் தெரியாத அளவுக்கு வாழ்ந்தான்.

உலகத்திலேயே வெறும் 50 இலட்சம் மக்கள் மட்டும் வாழ்ந்த காலம் உண்டு. அந்த காலத்தில் கடவுள் என்ற எண்ணம் கூட தோன்றவில்லை. வேதத்தில் கூட கடவுள் என்ற சொல் கிடையாது.

2000, 3000 வருடங்களுக்குள் தோன்றியதுதான் இந்த கடவுள் சங்கதி. அதுவும் இந்த கடவுளை நமது ஆள் உண்டாக்கவில்லை. வெள்ளைக்காரன்தான் இந்தக் கடவுளை உண்டாக்கியவன். அதைப் பார்ப்பான் ஒன்றுக்குப் பத்தாக பெருக்கிவிட்டான்.

வெள்ளைக்காரனும் காட்டுமிராண்டியாக இருந்த காலத்தில்தான் கடவுளைக் கற்பித்தான். அந்தக் கடவுளுக்கு நிறம் மஞ்சள் வர்ணம் என்று சொன்னான். அந்தக் கடவுளை காட்டுமனிதன் சிங்காரித்தான். அதற்கு உடை என்னடா என்றால் புலித்தோல் என்றான். தலையெல்லாம் சடை, காது எல்லாம் பெரிய ஓட்டை. நகைகள் எல்லாம் பாம்புகள். குடியிருக்கிற இடமோ சுடுகாடு. கையிலிருக்கிற கருவிகளோ மண்டை ஓடுகள். இவையெல்லாம் மனிதனுக்கு இருக்கிற யோக்கியதையா? இவையெல்லாம் காட்டுமிராண்டிதனமான சின்னங்கள் அல்லவா?

வெள்ளைக்காரனைப் பார்த்துதான் பார்ப்பான் இங்கு கடவுளை உண்டு பண்ணினான்.

வெள்ளைக்காரன் - கடவுள் ஜூபிடர்

பார்ப்பான் அதற்குக் கொடுத்த பெயர் இந்திரன்

வெள்ளைக்காரன் - மைனாஸ்

பார்ப்பான் - எமன்

வெள்ளைக்காரன் - நெப்டியூன்

பார்ப்பான் - வருணன்

வெள்ளைக்காரன் - லூனஸ்

பார்ப்பான் - சந்திரன்

வெள்ளைக்காரன் - சைனேஸ்

பார்ப்பான் - வாயு

வெள்ளைக்காரன் - அப்பலோ
பார்ப்பான் - கிருஷ்ணன்

வெள்ளைக்காரன் - மெர்க்குரி
பார்ப்பான் - நாரதன்

வெள்ளைக்காரன் - மார்ஸ்

பார்ப்பான் - கந்தன்

இப்படி வெள்ளைக்காரனைப் பார்த்து காப்பியடித்தவன்தான் இந்த பார்ப்பான். அப்படி காப்பியடித்த கடவுள்களுக்கும் கதை எழுதி, புராணங்கள் எழுதி பார்ப்பான் வயிறு வளர்க்க ஆரம்பித்துவிட்டான். அதை அப்படியே தமிழன் ஏற்றுக்கொண்டுவிட்டான்.

கடவுளுக்கு நாட்டில் என்ன பொதுவாக இலக்கணம் சொல்கிறார்கள். கண்ணுக்குத் தெரியாது. கைக்கு சிக்காது. புத்திக்கு எட்டாது என்கிறான். அப்படியானால் எப்படி கடவுளை நம்புவது என்று கேட்டால் நம்பு என்கிறான். நம்பு என்பதில்தான் கடவுளை வைத்திருக்கிறான். இதையேதான் கிறிஸ்தவனும் துலுக்கனும சொல்கிறான். கண்ணுக்குத் தெரியாத கடவுளுக்கு எப்படி உருவத்தை உண்டாக்கினான்?

கருணையே வடிவானவர் என்கிறான். அவன் கையில் ஏன் சூலாயுதம்? வேலாயுதம்? அரிவாள், மண்வெட்டி, கோடாரிகள் இவையெல்லாம் கருணையின் சின்னங்களா? கொலைகாரப் பசங்களுக்கு இருக்கவேண்டிய கருவிளெல்லாம் கடவுளுக்கு எதற்கு?

ஒன்றும் வேண்டாத கடவுளுக்கு ஆறுகால பூசை எதற்கு? எந்த மடையன் கடவுள் சோறு தின்னுவதைப் பார்த்தான்? பார்த்திருந்தால் சொல்லட்டுமே!

கடவுளுக்கு ஒழுக்கத்தையாவது நல்லமுறையில் கற்பித்திருக்கிறானா? எந்தக் கடவுள் இன்னொருத்தருடைய மனைவியைக் கெடுக்காமல் இருந்திருக்கிறான்? விபச்சாரம் செய்தாத கடவுள் ஒன்றாவது உண்டா? இருந்தால் சொல்லட்டுமே. ஏற்றுக்கொள்கிறேன்.

பார்ப்பானின் இந்தக் கடவுளை ஏற்றுக்கொண்டால் நாம் சாத்திரப்படி சூத்திரன்தானே.

இந்து என்று நாம் ஒப்புக்கொள்ளும் வரை இந்தியா என்ற ஒன்று இருக்கும் வரை நாம் சூத்திரன்தானே.

தோழர்களே! இன்றைக்கு நாம் சூத்திரர்களாக இருக்கிறோம் என்றால் அது பார்ப்பானால் மட்டுமல்ல. நாமே அதை ஒத்துக்கொண்டிருக்கிறோம். பார்ப்பான் நம்மை சூத்திரன் என்று சொல்ல பயந்துவிட்டான். ஆனால் நாமோ இந்து என்று ஒப்புக்கொண்டு கோயில்களுக்குச் செல்வதன் மூலமாகவும் நெற்றியில் சாம்பலைப் பூசிக்கொள்வதன் மூலமாகவும் சூத்திரன் என்பதை ஏற்றுக்கொண்டிருக்கிறோம்.

அவனவன் மந்திரியாகப் போகவும் பெரியமனிதனாகவும் ஆசைப்படுகிறானே தவிர இந்தப் பிறவி இழிவை ஒழிக்க யார் முன்வருகிறான்?

தோழர்களே! நமது இன இழிவை ஒழித்துக்கட்ட நாம் முன்வரவேண்டும். அதற்கு முதற்படியாக இந்தியா என்ற அமைப்புக்குள் இருந்து நாம் வெளியேறியாகவேண்டும்.

நமது நாடு நமக்காகி சட்டம் போட்டுக்கொண்டாலொழிய நமது இழிவு நீங்க வேறு மார்க்கம் கிடையாது.

தமிழ்நாடு இந்தியாவிலிருந்து பிரிந்து சுதந்திர நாடாக மாறியாகவேண்டும். நாடு பிரிந்து போனால் ஒன்றும் குடி முழுகிப்போகாது. நமக்கு எல்லா வளங்களும் இருக்கின்றன. நம்முடைய நாடு நமக்காகுமானால் நாம் நினைக்கிறபடி சட்டங்கள் இயற்றிக்கொள்ளலாம்.

நமது இனம் வாழ, நமக்கு மேலே எவரும் ஆதிக்கம் செய்யக்கூடாது. எல்லாம் தமிழர்களுக்காகவே இருக்கவேண்டும் என்ற நிலைமை உருவாக நாம் சுதந்திர நாடு பெற்றாகவேண்டும்.

29-08-1973 அன்று சிதம்பரத்தில் பெரியார் ஆற்றிய உரை.

தமிழ்நாடு தனிநாடாக ஆகியிருக்குமேயானால்... - பெரியார்

2012-01-01T23:41:00.000-08:00

நம் தமிழ்நாடு இந்தியக்கூட்டாட்சியிலிருந்து அதாவது வடநாட்டான் ஆதிக்கத்திலிருந்து பிரிந்தால் பெரும்கேடு ஏற்பட்டுவிடும் என்றும்,

ஒன்று பரிந்ததே, அதாவது முஸ்லிம்கள் வாழும் நாடு முஸ்லிம்களுக்கு என்றாகிவிட்டதே. பெரிய கேடாக இருக்கிறது என்றும் காங்கிரஸ்காரர்கள் பண்டித ஜவகர்லால் நேரு முதல் அநேகமாக எல்லா காங்கிரஸ் தலைவர்களும் கூப்பாடு போட்ட வண்ணம் இருந்தார்கள்.

ஆனால், பிரிந்தால் என்ன கேடு ஏற்படும் என்று இதுவரை குறிப்பிட்ட எவரும் எதையும் கூறவில்லை.

இந்திய யூனியன் ஏற்பட்ட நாள்முதல் இன்றுவரை தமிழ்நாடு பொருளாதார ஏற்றத்திற்கு யூனியன் இந்தியா எத்தனைகோடி ரூபாய் கைப்பொருப்பிலிருந்து செலவு செய்திருக்கிறது? அப்படி ஏதாவது இருந்தாலும் அதைத் தமிழ்நாடு இந்தியா தவிர்த்த மற்ற நாடுகளில் இருந்து சரிசெய்துகொள்ள முடியாதா?

உண்மையைச் சொல்லவேண்டுமானால், இந்திய யூனியன் காரணமாக தமிழ்நாட்டைத்தான் பஞ்சாப் முதல் பம்பாய் வங்காளம் வரை உள்ள முதலைகள் தமிழ்நாட்டுக்குள் புகுந்து சிறுமீன்களை விழுங்குவதைப்போல் விழுங்கிக்கொண்டு போகின்றனவே அல்லாமல், தமிழ்நாடு பொருளாதார ஏற்றம் பெற்று இருக்கிறதென்று சொல்லமுடியுமா?

தமிழ்நாடு பிரிந்தால் அது சிறுநாடு ஆகிவிடுமே என்கிறார்கள். லட்சக்கணக்கில் உள்ள சிறுநாடான கொழும்பு, பர்மா முதலிய நாடுகளும் அய்ரோப்பாவில். ஆப்ரிக்காவில், ஆசியா மைனர் முதலியவற்றில் உள்ள சுமார் 100 நாடுகள் இன்று பொருளாதாரம் மாத்திரமல்லாமல் மற்றும் பலதுறைகளிலும் முன்னேற்றமடைந்து பயமற்று, மானத்துடன் முழு சுதந்திரமாய் வாழுகின்றன.

ஒன்றை நான் சொல்லுவேன். உறுதியுடன் சொல்வேன். வெள்ளையன் சென்றவுடன் தமிழ்நாடு தனிநாடாக ஆகியிருக்குமேயானால் முதலாவது தமிழனின் சமுதாய இழிவு ஒழிந்திருக்கும்.

இரண்டாவது, தமிழன் பகுத்தறிவின் உச்சநிலையை அடைந்து, இன்றுள்ள காட்டுமிராண்டித் தன்மையில் தன் தாய்நாட்டில் ஈனப்பிறவி மனிதனாக, கீழ்சாதியாக வயிற்றுப் பிழைப்புக்கு பதவிக்கு எதையும் விற்றுப் பிழைக்கும் ஈனத்தன்மை நல்ல அளவிற்கு மறைந்திருக்கும்.

பதவிக்காக வடநாட்டானுடையவும் பார்ப்பானுடையவும் பெருவிரலைச் சூப்பும் ஈனத்தனம் ஒழிந்திருக்கும்.

மற்றும் பிறவி உயர்வு, தாழ்வு, அயோக்கியத்தனமான 'தகுதி- திறமை' விகிதாச்சார உரிமைத்தனம், ஒரு சிறு, சின்னஞ்சிறு கூட்டத்திற்கு அபரிமிதமான, ஏகபோக உரிமை, பெரும் - மாபெரும் கூட்டத்திற்கு இழிதொழில் பிழைக்கவேண்டிய மானமற்ற தன்மை முதலில் இவை ஒழிந்திருக்கும்.

இன்று இந்திய யூனியனின் முக்கிய கொள்கைகள் என்னவென்றால், சாதி காப்பாற்றப்படவேண்டும். மதம் காப்பாற்றப்படவேண்டும். பரம்பரை அந்தஸ்து காப்பாற்றப்படவேண்டும். மேல்ஜாதியான் மேல்பதவியில் இருக்கும்படியான தன்மைகள், முறைகள், பரம்பரை பழக்கவழக்கங்கள் அழியாமல் அமலில் இருக்கவேண்டும். இவை தவிர யூனியனில் வேறு எந்த மற்ற நாடுகளில் இல்லாத சிறப்பான, குறிப்பான 'நன்மை' இருக்கின்றன?

ஒன்று சொல்வேன். யூனியனில் தமிழ்நாட்டிற்கோ, தமிழர்களுக்கோ நன்மை இருக்குமானால், யூனியன் அரசியல் இருப்பது போதாமல் பலாத்கார புணர்ச்சிக்காக தண்டிக்கும் தண்டனை காலத்தைவிட அதிக தண்டனை விதிக்கும்படியான அளவுக்கு பிரிவினை தடைச்சட்டம் விதிக்கத்துடிப்பானேன்?

- 08-06-1972 ல் விடுதலையில் பெரியார் எழுதிய தலையங்கம்.

குலக்கல்வித் திட்டத்தை ஆதரித்த தமிழர் தந்தை ம.பொ.சி

2011-12-31T00:00:00.000-08:00

ராசாசியின் வஞ்சக மூளையில் வடிவெடுத்த கொடிய திட்டந்தான் குலக்கல்வித் திட்டம் என்பது. பாதி நேரம் படிப்பு; மீதிநேரம் அப்பன் குலத்தொழில் என்னும் பச்சையான மனுதர்ம நெறிக்கு பாதையைப் போட்ட ஆச்சாரியாரின் இந்த கொடிய கல்வித் திட்டத்தை எதிர்த்து தமிழ்நாடே கொந்தளித்து எழுந்தது. வஞ்சகப் பார்ப்பன ஆட்சியை ஒழிக்காமல் தமிழருக்கு வாழ்வில்லை என்ற முடிவோடு வரிப்புலியாய் சீறிப்பாய்ந்தார் பெரியார்.

குலக்கல்வித் திட்டத்திற்கு தமிழ்நாடே கொழுந்துவிட்டு எரிந்துகொண்டிருந்தபோது, அந்தக் கல்வித்திட்டத்தை ஆதரித்து ம.பொ.சியின் தமிழரசுக் கழகம் தீர்மானம் நிறைவேற்றியது. நாடெங்கும் ஊர்வலங்கள், பொதுக்கூட்டங்கள், மாநாடுகள் நடத்த முடிவுசெய்து திக, திமுக மட்டுமல்ல காங்கிரசு கட்சியைச் சேர்ந்த காமராசரும் குலக்கல்வித் திட்டத்தைக் கண்டித்தார். ம.பொ.சி அந்த காமரசைரைக்கூட விட்டுவைக்கவில்லை.

"புதிய கல்வித்திட்டத்தை எதிர்த்து பேசினார் காமராசர். கல்வித்திட்டம் சரியா? தவறா? என்பதில் அவருக்குக் கவலை இல்லை. ராசாசி ஆட்சியை வெளியேற்றித் தான் அதிகாரத்திற்கு வர அந்த சந்தர்ப்பத்தைப் பயன்படுத்திக் கொண்டார்." (ம.பொ.சி எனது போராட்டம் பகுதி 2, பக்கம் 392)

நன்றி: புரட்சிப் பெரியார் முழக்கம், 19 மே 2011, பக்கம் 3.

தமிழ் உயர்மொழி எனில் தமிழன் கீழ்மகனானதெப்படி?

2011-12-30T08:14:00.000-08:00

தமிழ் உயர்மொழியானால், தமிழன் கலப்படமற்ற சுத்தப் பிறவியானால், தமிழ் பேசுகிறவன் தமிழன் என்கிற காரணத்திற்காக உன்னை சூத்திரன், பார்ப்பானின் வைப்பாட்டி மகன் என்று கடவுள் சொன்னதாக சாஸ்திரம் எழுதி வைத்து, 'கீதை' வெங்காயம் சொல்லுகிறது என்று சொல்லி உன்னை தீண்டத்தகாத ஜாதியாக பார்ப்பானும், அவன் பொண்டாட்டி, பிள்ளை, ஆத்தாள், அக்காளும் நடத்துகிறார்களே; நீ நாக்கைப் பிடிங்கிக்கொண்டாயா? நீ யாருக்குப் பிறந்தாய் என்பது பற்றி சிறிதளவாவது சிந்தித்து இருந்தால், என்னை நீ யாருக்குப் பிறந்தாய் என்று கேட்டு இருக்கமாட்டாய்.

எனக்கு நான் யாருக்குப் பிறந்தேன் என்பது பற்றிக் கவலை இல்லை. அது என் அம்மா சிந்திக்கவேண்டிய காரியம். நான் யாருக்குப் பிறந்தேன் என்று என்னாலும் சொல்லமுடியாது; தம்பீ உன்னாலும், அதாவது நீ யாருக்குப் பிறந்தாய் என்று (உன்னாலும்) சொல்லமுடியாது; அந்தப் பிரச்சனையே முட்டாளுக்கும், அயோக்கியனுக்கும்தான் தேவை.

யாருக்குப் பிறந்தாலும் மனிதனுக்கு மானம் தேவை; அது உன்னிடம் இருக்கிறதா, என்னிடம் இருக்கிறதா என்பதுதான் இப்போது சிந்திக்கவேண்டிய தேவை.

அதையும் விட தமிழ்மொழியிலும், தமிழ்ச் சமுதாயத்திலும் இருக்கிறதா? இருப்பதற்கு தமிழ் உதவியதா? உதவுகிறதா? என்பதுதான் முக்கிமான, முதலாவதான கேள்வி.

- தமிழும் தமிழரும் நூலில் பெரியார்

அவர்கள் நல்ல தமிழர்களைத் தேடிக் கிளம்பியிருக்கிறார்கள்

2011-12-27T23:10:00.000-08:00

தமிழர்கள், திராவிடர்கள் பற்றிய விரிவான ஆராய்ச்சிகளை ‘நாம் தமிழர் இயக்கம்’ மேற்கொண்டிருக்கிறது. ‘நல்ல தமிழர்களை’ அவர்கள் தேடிக் கிளம்பியிருக்கிறார்கள்.

ஆனால், அவர்களின் தமிழர் அடையாள ஆராய்ச்சியின்படி ஈழ விடுதலைக்கும் விடுதலைப்புலிகளுக்கும் பேருதவி செய்த முன்னாள் முதல்வர் எம்.ஜி.இராமச்சந்திரனைக்கூட ஒப்புக் கொள்ள மாட்டார்கள். அவர் பிறப்பால் மலையாளி என்பதால் ‘திராவிடராகி’ விடுகிறார். நான்காவது ஈழப்போரின் இறுதிக் கட்டத்தில், ஈடில்லாத போராட்டங்களை நடத்திய கோவை இராமகிருட்டிணன், பேராசிரியர் சரசுவதி ஆகியோர்கூட, அவர்கள் கண்களுக்கு ‘நல்ல தமிழர்களாக’ புலப்படவில்லை.

ஆங்கிலேயர் கால்டுவெல் கண்டுபிடித்த சொல்லான திராவிடத்தை எப்படி ஏற்க முடியும் என்ற வாதங்களையெல்லாம் முன் வைக்கிறார்கள். ‘கால்டுவெல்’ என்ற ஆங்கிலேயரின் கண்டுபிடிப்புகளையெல்லாம் ஏற்கக் கூடாது என்று அவர்கள் ‘ஆராய்ச்சி’கள் கூறினாலும், சீமான் என்ற வடமொழிப்பெயரை சூட்டிக் கொண்டுள்ளதற்காக அவரை, நாம் தமிழன் இல்லை என்று சொல்லப் போவதில்லை. அவர்களின் ஆராய்ச்சியை சீமானுக்கு நாம் பொருத்திப் பார்க்கத் தயாராக இல்லை.

ஒன்றைத் தெளிவுபடுத்த விரும்புகிறோம். ‘திராவிட’ என்ற சொல்லை தங்களுடன் இணைத்துக் கொண்டதற்காகவே கலைஞர் கருணாநிதியையோ, விஜய்காந்தையோ, ஜெயலலிதாவையோ நாம் தூக்கி சுமப்பவர்கள் அல்ல.

கலைஞர்கூட ஒரு காலத்தில் அவர் சார்ந்த சமூகப் பார்வையோடு ஒடுக்கப்பட்ட மக்களின் விடுதலைக்காக திராவிடர் இயக்கத்துக்கு வந்தவர்தான். இன்று அவரிடம் அந்த சமூகப் பார்வை எல்லாம் காணாமல் போய் பெரு முதலாளிகளின் வர்க்கப் பார்வைக்கு வந்துவிட்டார்.

ஜெயலலிதா எப்போதுமே தமிழினத்துக்கு எதிரிதான். இந்த சக்திகள் அரசியல் களத்திலிருந்து ஒதுக்கப்பட்டு, தமிழர்களுக்கான புதிய அரசியல் சக்தி ஏதேனும் தோன்றாதா என்று உண்மையாக ஏங்கும் தமிழர்கள் ஏராளம் உண்டு. விஜய்காந்த் போன்ற குழப்பவாதிகளைவிட சீமான் போன்றவர்கள் அரசியல் களத்துக்கு வரட்டுமே என்ற எண்ண ஓட்டமும் நமக்கு உண்டு.

ஆனால், புதிதாக புறப்பட இருக்கிற ‘நாம் தமிழர்’ தமிழர்களை ஆரிய எதிர்ப்பாளர்களாக அடையாளப்படுத்திய பெரியாரின் பார்வையைத் தூக்கி எறிந்துவிட்டு, திராவிடர் எதிர்ப்பாளராக அடையாளப் படுத்துவதில் முனைப்புக் காட்டத் தொடங்கிவிட்டது.

பெரியார் முன்னிறுத்திய ‘திராவிடர்’ என்பது தமிழர்களுக்கான - தமிழர்களை பார்ப்பனிய அடிமைப் பண்பாட்டிலிருந்து மீட்டெடுக்கும் குறிச்சொல் என்ற அடிப்படை உண்மையையே திசை திருப்பி, அது ஏதோ கேரளா, கர்நாடக, ஆந்திர மாநிலத்தில் வாழும் இனங்களிடம் தமிழர்களை அடிமைப்படுத்துவதாக ஒரு சித்திரத்தை தீட்டிக் காட்ட படாதபாடுபடுகிறார்கள். இதில் அளவில்லாத மகிழ்ச்சி ஆரியத்துக்குத் தான்.

‘அப்பாடா, நாம் தமிழர் வந்துவிட்டது; இனி நமக்கு ஆபத்தில்லை’ என்று அவாள் கூட்டம், மகிழ்ச்சியில் கூத்தாடக் கூடும். தமிழருக்கு அன்றும் இன்றும் என்றும் கேடானது ஆரியம். அதற்கு அரண் அமைத்துக் கொண்டிருப்பது இந்தியம்; உண்மையில் தமிழர்கள் மீதுசுமத்தப் பட்டுள்ள ஒட்டு மொத்த அடிமைத்தனங்களுக்கும் எதிரான பண்பாட்டுப் புரட்சியை முன்னெடுக்கும் வலிமையான போர்வாள் திராவிடர் - திராவிடம் என்ற லட்சியச் சொல்; ஆனால், ‘நாம் தமிழருக்கு’ அவைகள் கசக்கின்றன.

தமிழ்நாட்டைத் தவிர, பிற மொழிக்காரர்கள் வேறு எந்த மாநிலத்திலாவது முதல்வரானது உண்டா என்றெல்லாம் கேட்கிறார்கள். அடக்கத்துடன் நாம் நினைவூட்டுகிறோம். பக்கத்து நாடான கன்னட நாட்டில் தரம்சிங் என்ற மராட்டியர் முதலமைச்சராக இருந்திருக்கிறார்.

‘நாம் தமிழர்’ அமைப்புத் தோழர்கள் பலரின் சட்டைகளை அலங்கரித்துக் கொண்டிருக்கும் சேகுவேரா கூட அர்ஜென்டினாவில் பிறந்தவர் தான் . அவர் கியுபா விடுதலைக்குப் போராடினார். அத்துடன் நிற்கவில்லை.பொலிவியா விடுதலைக்கும் போராடச் சென்றார். ‘நாம் தமிழர்’ அமைப்பின் திராவிடர் எதிர்ப்புக் கோட்பாட்டைப் பொருத்திப் பார்க்கும்போது, சேகுவேராவும் கூட கியூபாவின் அன்னியர் தானே?

இனி அவர்கள் பார்வையில் ப. சிதம்பரம், சோழவந்தான் சுப்ரமணியசாமி, புதுவை நாராயணசாமி எல்லாம் திராவிடர் அல்லாத “நல்ல தமிழர்”களாகி விடக் கூடும்.

இன்னும் விரிவாக எழுதலாம்; திராவிடர் எதிர்ப்பை அவர்கள் தொடரும்போது அதற்கான விளக்கங்களும் பதில்களும் வரத்தானே செய்யும்? அவைகளுக்கெல்லாம் இந்த விளக்கம் ஒரு சிறிய முன்னோட்டம் மட்டுமே!

கொளத்தூர் தா.செ. மணி

தலைவர், பெரியார் திராவிடர் கழகம்

நன்றி: http://thozharperiyar.blogspot.com/2010/04/blog-post_23.html

ஆதிக்கசாதி திமிரையும் மதத்தையும் கைவிடமுடியாதவர்கள் திராவிடத்தை எதிர்க்கிறார்கள்

2011-12-27T08:41:00.000-08:00

முல்லைப்பெரியாறு அணை காக்க மே 17 இயக்கம் மெரினாவில் ஏற்பாடு செய்த கூட்டத்தில் பாரதிராசாவும் தங்கர் பச்சானும் திராவிட எதிர்ப்பரசியலைக் கிளப்பினார்கள்.

திராவிட இயக்கத்தின் கருத்தியல் அல்லது கொள்கை எந்த அளவில் தமிழனின் வீழ்ச்சிக்கு காரணமாக இருந்ததென்றுபேச எவனும் முன்வருவானா? முடியாது. ஏனெனில் பெரியார் கேட்டதும் தனித்தமிழ்நாடுதான்.

கேரளா, கர்நாடகம், ஆந்திரம் உள்ளிட்ட மாநிலங்கள்தான் திராவிட நிலப்பரப்பு என்று அந்த இயக்கங்களே சொல்லாதபோது இந்த தேவர்சாதி திமிர்பிடித்த பாரதிராசாவும் படையாச்சி தங்கரும் எந்த கனவுலகத்திலிருந்துகொண்டு திராவிட எதிர்ப்பைக் கையிலெடுக்கிறார்கள்?

சாதி, மத எதிர்ப்பை கையிலெடுத்து போராடும் பெரியார் திராவிடர் கழகத்தின் செயல்பாடுகளுக்கான எதிர்வினையா இது. அல்லது பரமக்குடியில் தேவர்சாதி ஆதிக்க அரசு நடத்திய படுகொலை ஆய்வறிக்கை நூல்வெளியீட்டு விழாவில் வைகோ பங்கேற்றதால் பாரதிராசாவுக்கு வந்த வெறுப்பா?

தமிழ்தேசியத்தின் கூறுகள் திராவிட அரசியலிலும் உண்டு. கூடுதலாக சாதி, மத எதிர்ப்பையும் கொண்டுள்ளது. கருணாநிதியும், ஜெயலலிதாவும் பெரியார் வழி வந்தவர்களா? பெரியாரின் கொள்கையை விட்டுவிட்டு பிழைப்புக்காக அரசியல் நடத்தும் இவர்களை முன்வைத்து திராவிட எதிர்ப்பை கையிலெடுப்பவர்கள், பெதிகவையும் மதிமுகவையும என்னவாகப் பார்க்கிறாரகள்?

அறிவுப்பூர்வமாக அல்லாமல் இப்படியான திராவிட எதிப்பை போகிறபோக்கில் உளறுபவர்களை நிகழ்ச்சிக்கு ஏற்பாடு செய்யும் மே 17 இயக்கத்தின் நிலைப்பாடு என்ன? ஏனெனில் பாரதிராசாவின் கருத்தை அப்படியேதான் அவர்கள் வெளியிட்டிருக்கிறார்கள். ஆதிக்கசாதி திமிரையும் மதத்தையும் கைவிடமுடியாதவர்கள் திராவிடத்தை எதிர்க்கிறார்கள். மே 17 நேரடியாக அல்லாமல் இதுபோன்ற அரசியல் அரைவேக்காடுகளை வைத்து தந்தை பெரியார் வழி நின்று போராடும் தோழர்களை இழிவு செய்ய நினைக்கிறதா?

திராவிடர் என்பதன் உள்ளடக்கத்தைப் பாருங்கள். அகராதியில் பொருள் தேடாதீர்.

2011-12-27T08:27:00.000-08:00

திராவிடர் என்ற சொல்லுக்கு, ஆராய்ச்சிகள் செய்துகொண்டிருப்போருக்கு பதிலளித்து, மயிலாடுதுறையில் 11.03.2011 அன்று நடந்த கூட்டத்தில் பெரியார் திராவிடர் கழகத் தலைவர் கொளத்தூர் மணி ஆற்றிய உரையிலிருந்து...

திராவிடர் என்பதன் உள்ளடக்கம் என்னவாக இருக்கிறது என்றுதான் பார்க்கவேண்டுமே தவிர, அகராதியில் பொருள் தேடக்கூடாது. அகராதியில் பார்க்கும்போது பலவற்றை தவறாகப் புரிந்துகொள்ள நேரிடும்.

எனது சிறுவயதில் நாங்கள் ஒரு நாடகம் நடத்தினோம். ஒருவர் ஆங்கிலத்தில் சொல்வார். அதை நான் தமிழில் மொழிபெயர்ப்பேன். "ladies and gentlemen" என்பார். அதற்கு நான் "பெண்களே. சாதுவான ஆண்களே" என்று மொழிபெயர்ப்பேன். "I am coming from greenland" என்பார். "நான் பச்சை நிலத்திலிருந்து வருகிறேன் என்று மொழிபெயர்ப்பேன்." "Do you understand" என்பார். அதற்கு நான், "அடியில் நிற்கிறாயா" என்பேன். "வெண்டைக்காயும் முருங்கைக்காயும் சாப்பிடு என்ற பொருளில், "Eat ladies finger and drumstick" என்பார். "பெண்கள் விரல்களையும் தப்பட்டைக் குச்சிகளையும் சாப்பிடுங்கள்" என்று மொழிபெயர்ப்பேன். அகராதியில் பார்த்தால் தவறாக இப்படித்தான் மொழிபெயர்க்கமுடியும்.

"ஆட்டம் (Atom) என்ற சொல்லுக்கு லத்தீனில் பிளக்கமுடியாதது என்று பொருள். Dalton's atomic theory சொல்கிறது...Atom is indivisible(அணு பிளக்கமுடியாதது) என்பதுதான். அப்போது நிலவிய விஞ்ஞான கொள்கை. ஆனால், இப்போது அதை புரோட்டான், எலக்ட்ரான், நியூட்ரான் என பிரிக்கமுடியும் என்பதும், பிளக்கும்போது வெளிப்படும் அணுஆற்றலில் இருந்து பல்வேறு ஆக்க வேலைகளையும் அழிவு வேலைகளையும் செய்யமுடியும் என்று கண்டுபிடித்துவிட்டார்கள். அணுவைப் பிளக்கமுடியாது என்று கருதிக்கொண்டிருந்த காலத்தில், பிளக்கமுடியாதது என்ற பொருள்ள Atom என்ற சொல்லை, பிளக்கமுடியும் என்று தெரிந்த பின்னலும் Atom என்பதை மாற்றவில்லை. ஒரு சொல்லில் ஏற்றப்பட்டிருக்கும் உள்ளடக்கம் என்பதுதான் முக்கியம். அப்படித்தான் பெரியார், திராவிடர் என்ற சொல்லிற்கு ஓர் உள்ளடக்கத்தைக் கொடுத்துள்ளார்.

நான் இந்தியன்; நான் இந்து - தமிழர் தந்தை ம.பொ.சி

2011-12-27T00:18:00.000-08:00

எல்லைப் போராட்டத்தில் பெரியார்

எல்லைப் போராட்டத்தில் பெரியார் அக்கறை காட்டவில்லை என்று இப்போது ஒரு பிரச்சாரம் செய்துவருகிறார்கள்.

1953 ல் ஆந்திரா பிரிந்தபோதுதான் இந்தச் சிக்கல் வந்தது. அப்போது நடந்த இரு நிகழ்ச்சிகளில் ஒன்று திருத்தணியில் நடந்த எல்லைப் போராட்டம், மற்றொன்று சென்னை நகரை ஆந்திராவுக்கு கேட்டார்கள் என்பது.

இதில், பெரியார் என்ன நிலைப்பாடு எடுத்தார் என்றால், 1956 ஆம் ஆண்டு, வேலூரில் ஒரு கூட்டத்தில் பெரியார் பேசுகிறார். எல்லைப் போராட்டத்தில் பெரியார் கலந்துகொள்ளவில்லையே என்ற கேள்வி வருகிறது. அதற்கு அவர் விளக்கம் அளிக்கிறார்.

"முதல் கூட்டத்தில் ம.பொ.சி உட்பட நாங்கள் எல்லோரும் கலந்துகொண்டோம். எல்லைப் போராட்டம் பற்றி பேசினோம். அப்போது நான் ஐந்து திட்டங்களை முன்வைத்தேன்.

இந்தப் போராட்டத்தோடு இந்தி எதிர்ப்பையும் சேர்த்துக்கொள்ளவேண்டும்.

படை, போக்குவரத்து, வெளியுறவுத்துறை தவிர அனைத்து அதிகாரங்களும் மாநிலத்திற்குள்தான் இருக்கவேண்டும்.

சென்னை ராஜ்யம் என்பதை தமிழ்நாடு என பெயர் மாற்றவேண்டும்.

காங்கிரசு கட்சி, தட்சிண பிரதேசம் என்ற அமைப்பை உருவாக்க நினைக்கிறது. அதை எதிர்க்கவேண்டும்.

என்று இந்த ஐந்து கோரிக்கைகளில் தமிழ்தேசியத்திற்கு எதிராக எதுவும் இல்லை. ஆனால், தமிழ்தேசியத்தின் தந்தையாகக் கருதப்படுகிற ம.பொ.சி,

"நான் இந்தியன் என்பதால் இந்தி மொழியை ஏற்றுக்கொள்கிறேன். நான் இந்து என்பதால் என் சமய சடங்குகளில் சமஸ்கிருதத்தை ஏற்றுக்கொள்கிறேன்." என்றார்,

இதை இரண்டையும் எதிர்த்த பெரியார் வைத்த அந்த கோரிக்கைகளுக்கு, "கம்யூனிஸ்ட்டுகள் ஏற்றுக்கொள்ளவில்லை. எனவே வேண்டாம்" என ம.பொ.சி சொன்னார்.

ம.பொ.சி உயிரோடு இருந்த காலத்தில் பெரியார் இதைப் பதிவு செய்துள்ளார். "தாராளமாக நீங்கள் போராடுங்கள். நாங்கள் உங்களோடு இணைந்து நிற்கமுடியாது" என்று பெரியார் தெரிவித்துவிட்டார்.

24-12-2010 பெரியார் நினைவுநாளில் பெரம்பூரில் கொளத்தூர் மணி பேசியது.

குழப்பவாதிகளுக்கு கழகத் தலைவர் கொளத்தூர் மணி பதில் என்ற தலைப்பில் சனவரி 20-2011 பெரியார் முழக்க பதிவிலிருந்து

பெரியார் சொல்கிறார்...

2011-12-19T06:38:00.000-08:00

பெரியார் நினைவுநாள் சுவரொட்டிகள்

அணுஉலையின் ஆபத்தும் கூடங்குளமும்

2011-11-30T00:23:00.000-08:00

"அணுஉலையின் ஆபத்தும் கூடங்குளமும்" என்ற தலைப்பில் 28.11.2011 அன்று திருவல்லிக்கேணி பகுதியில் பெரியார் திராவிடர் கழகம் ஏற்பாடு செய்த பொதுக்கூட்டத்தில் எழுத்தாளர் முத்துக்கிருஷ்ணன் ஆற்றிய உரை.

ஜெயாவுக்கு ஓட்டுப்போட்டது செத்து மடியவா?... தலித் சுப்பையா பாடல்

2011-11-29T04:20:00.000-08:00

28.11.2011 அன்று திருவல்லிக்கேணியில் பெரியார் திராவிடர் கழகம் நடத்திய பரமக்குடி துப்பாக்கிச் சூடு கண்டனப் பொதுக்கூட்டத்தில் தலித் சுப்பையா அவர்கள் பாடிய பாடல். அனைவரது வரவேற்பையும் பெற்றது.

சட்ட எரிப்பு நாள்

2011-11-28T21:20:00.000-08:00

நவம்பர் 26 சட்ட எரிப்பு நாள் விளக்கம், கூடங்குளம் அணுஉலை குறித்த அறிவியல் மற்றும் அரசியல் போக்கு அடிப்படையிலான விழிப்புணர்வு உரை, பரமக்குடி துப்பாக்கிச்சூட்டுக்கு எதிராக கண்டனம் இப்படி முன்று முக்கிய தலைப்புகளில் திருவல்லிக்கேணி பெரியார் திராவிடர் கழகத்தால் 28.11.2011 அன்று பொதுக்கூட்டம் நடத்தப்பட்டது.

இக்கூட்டத்தில் மார்க்சிய பெரியாரிய பேரறிஞர். வே.ஆனைமுத்து, எழுத்தாளர் முத்துக்கிருஷ்ணன், பெரியார் திராவிடர் கழகத் தலைவர் கொளத்தூர் மணி ஆகியோர் உரை நிகழ்த்தினர்.

படத்தொகுப்பைக் காண கீழ்க்காணும் படத்தின்மீது சொடுக்கவும்

மாவீரர் நாள் 2011

2011-11-27T19:18:00.000-08:00

தேசியத் தலைவர் பிரபாகரன் பிறந்தநாள், செங்கொடி நினைவு இல்லத்திறப்பு மற்றும் மாவீரர்நாள் நினைவேந்தல் ஆகிய முப்பெரும் நிகழ்வுகளை உள்ளடக்கி காஞ்சி மக்கள் மன்றம் சார்பில் செங்கொடியூரில் (மங்கல்பாடி, காஞ்சிபுரம்) 27.11.2011 அன்று விழா ஏற்பாடு செய்யப்பட்டிருந்தது.

இந்நிகழ்வில், நெடுமாறன், வைகோ, கொளத்தூர் மணி, தியாகு, அற்புதம் அம்மாள், திருச்சி செளந்தராசன், சி.மகேந்திரன், வேல்முருகன், பேராசிரியர் சரசுவதி, பார்வேந்தன், கிராமியக் கலைஞர் ஓம் முத்துமாரி, மல்லை சத்யா, டி.எஸ்.எஸ்.மணி உள்ளிட்ட திரளான மக்கள் பங்கேற்றனர்.

படத்தொகுப்பைக் காண கீழ்க்காணும் படத்தின்மீது சொடுக்கவும்.

மாவீரர்நாள் நிகழ்ச்சிநிரல்

2011-11-24T08:46:00.000-08:00

மக்கள் மன்றத் தோழர் மகேசு அவர்களிடம் தொலைபேசியில் உறுதிப்படுத்திக்கொண்ட நிகழ்ச்சிநிரல் இது.

காவல்துறையின் அத்துமீறல் குறித்து கொளத்தூர் மணி (காணொளி)

2011-11-22T22:46:00.000-08:00

அரூரில் பெரியார் திராவிடர் கழகத்தைச் சேர்ந்த வேடியப்பன் உள்ளிட்ட தோழர்கள் மீது பொய் வழக்குப்போட்டு சாதித் திமிருடன் நடந்துவரும் காவல்துறையைக் கண்டித்து கடந்த 19.11.2011 அன்று பொதுக்கூட்டம் நடைபெற்றது. அக்கூட்டத்தில் பெ.தி.க தலைவர் கொளத்தூர் மணி அவர்கள் ஆற்றிய உரை.

கொட்டும் மழையில் பேரணி

2011-11-05T11:02:00.000-07:00

மூவர் தூக்கு தண்டனை, பரமக்குடி துப்பாக்கிசூடு, கூடங்குளம் அணுஉலை ஆகிய எதேச்சதிகார அரசுகளின் நடவடிக்கைகளைக் கண்டித்து சென்னை திருவெற்றியூரில் பேரணி நடைபெற்றது.

பெரியார் திராவிடர் கழகம், மதிமுக, நாம் தமிழர், மக்கள் மன்றம் உள்ளிட்ட பல்வேறு அமைப்புகளைச் சார்ந்த தோழர்கள் பங்கேற்றனர்.

மும்பையில் நடந்த பத்திரிகையாளர்கள் சந்திப்பு

2011-11-03T08:09:00.000-07:00

ராஜிவ் கொலை வழக்கில் மறைக்கப்பட்ட உண்மைகள் குறித்து மும்பையில் பத்திரிகையாளர் சந்திப்பில் விளக்கப்பட்டது.

இச்சந்திப்பில் பெரியார் திராவிடர் கழக பொதுச்செயலாளர் தோழர் விடுதலை ராசேந்திரன், மே 17 இயக்கத்தின் திருமுருகன், திருச்சிவேலுச்சாமி ஆகியோர் பங்கேற்றனர்.

மரண தண்டனைக்கெதிராக பறைமுழக்கம்

2011-10-30T09:13:00.000-07:00

மரண தண்டனைக்கெதிரான தோழர் செங்கொடி பெண்கள் அமைப்பின் சார்பில், மூவர் விடுதலைக்காக நடந்த தொடர்முழக்கப்போராட்டத்தில், மக்கள் மன்றத் தோழர்களின் பறைமுழக்கம்

மரண தண்டனைக்கெதிராக பெண்கள் போராட்டக்குழு

2011-10-29T10:14:00.000-07:00

மரண தண்டனைக்கெதிரான தோழர் செங்கொடி பெண்கள் அமைப்பின் சார்பில், மூவர் விடுதலைக்காக தொடர்முழக்கப்போராட்டம் சென்னையில் இன்று (29.10.2011) நடந்தது.

கூடங்குளத்தில் அணுஉலை; தமிழகத்தின் காலில் கட்டும் அணுகுண்டு

2011-10-29T08:11:00.000-07:00

"கூடங்குளத்தில் அணுஉலை; தமிழகத்தின் காலில் கட்டும் அணுகுண்டு" என்ற எச்சரிக்கை உணர்வுடன் அணுஉலைக்கெதிரான தொடர்முழக்கக் கூட்டத்தை 23.10.2011 அன்று ஏற்பாடு செய்திருந்தது தமிழக இளைஞர் எழுச்சிப் பாசறை.

சென்னை பனகல் மாளிகைமுன் நடந்த இப்போராட்டத்தில் பெரியார் திராவிடர் கழகத்தின் பொதுச்செயலாளர் விடுதலை ராசேந்திரன் அவர்கள் ஆற்றிய உரை.

பூவுலகின் நண்பர்கள் அமைப்பின் சார்பில் பங்கேற்ற வழக்கறிஞர் சுந்தரராஜன் அவர்கள் ஆற்றிய உரை.

புதியதலைமுறை அதிகாரவர்க்கத்தின் ஊதுகுழலா?

2011-10-28T04:03:00.000-07:00

அத்வானி பயணிக்க இருந்த வழியில் வெடிகுண்டு என்பதையே நம்மால் நம்ப இயலவில்லை. இதில் என்னவெல்லாம் உளவுச்சதி இருக்கிறதென்று தெரியவில்லை.

இந்நிலையில், 'புதியதலைமுறை'யின் செய்தியாளர் தியாகச்செம்மல், தேவர்விழாவுக்கு போகும் வழியில் வெடிகுண்டு வைக்கப்பட்டிருந்ததாக சரடு விட்டார். 'பரமக்குடி துப்பாக்கிசூடு படுகொலை புகழ்' தமிழக காவல்துறைகூட இப்படி கருத்துக்கூறாத நிலையில், செய்தியாளர் எந்த ஊகத்தின் அடிப்படையில் இவ்வாறு பொறுப்பற்று செய்தியளித்தார் என்று தெரியவில்லை.

ஏன், கொல்லைக்குப்(மலம் கழிக்க) போகிறவன் கூடத்தான் அந்த சாலையைப் பயன்படுத்துவான். அவனுக்கு வச்ச குண்டுன்னு சொல்லேன் பார்க்கலாம். செய்தியாளர்னா கொஞ்சமாவது கூறுபாடு வேணுமப்பா.

ரெம்ப கேவலமான தலைமுறையா இருக்கே!

கல்பாக்கம், கூடங்குளம் அணுஉலைகளைக் கண்டு நாம் ஏன் அச்சப்படவேண்டும்?

2011-10-28T00:56:00.000-07:00

சென்னை லயோலா கல்லூரி அருகில்அய்க்கஃப் வளாகத்தில் 22.10.2011 அன்று பத்திரிகையாளர் சந்திப்பு மற்றும் அணு உலைகளின் அச்சங்களைப் பற்றிய அறிவியல் பூர்வமான விளக்கக்கூட்டம் நடந்தது.

கேள்விநேரம்

மருத்துவர் புகழேந்தி

மருத்துவர் ரமேஷ்

அணுஉலை பாதுகாப்பானதா? - ஞாநி

"முதுகுளத்தூர் கலவரம் (1957) முதல் பரமக்குடி படுகொலை (2011) வரை"

2011-10-25T08:48:00.000-07:00

"முதுகுளத்தூர் கலவரம் (1957) முதல் பரமக்குடி படுகொலை (2011) வரை" என்ற தலைப்பில் சென்னை லயோலா கல்லூரியில் 22.10.2011 அன்று SAVE TAMILS இயக்கம் கூட்டத்திற்கு ஏற்பாடு செய்திருந்தது.

தோழர் விடுதலை ராசேந்திரன்

தோழர் வ.கீதா

மின்துறை அமைச்சருக்கு முதுகெலும்பு உண்டா?

2011-10-23T09:01:00.000-07:00

இன்று(23.10.2011) கூடன்குளம் அணுஉலைக்கெதிராக தமிழக இளைஞர் எழுச்சிப் பாசறை ஏற்பாடு செய்த தொடர்முழக்கக் கூட்டத்திற்கு சென்று திரும்பும்போது தி.நகர் உஸ்மான் சாலை வழியாக வந்தேன்.

அலங்கார விளக்குகளை போட்டிபோட்டு எரியவிட்டிருக்கிறார்கள் பெருவணிகர்கள்.

பல இடங்களில் தெருவிளக்கு எரியவில்லை. பல சிற்றூர்களில் ஒரு குழல்விளக்கெரிய மின்சாரம் இல்லை. ஒரு மின்விசிறி இயங்கவும் மின்சாரமின்றி, பச்சிளம் குழந்தையோடு கொசுக்கடிக்கு நடுவேயும் வீதியில் நிற்கிறார்கள் தாய்மார்கள்.

இன்றியமையாத தேவைக்கு மட்டும் மின்சாரம் செலவிடப்பட்டால் நிச்சயம் நமக்கு மின்தட்டுப்பாடு வர வாய்ப்பே இல்லை. மின்துறை அமைச்சருக்கு முதுகெலும்பு உண்டா?

சொற்ப மின்சாரத்திற்காக கூடன்குளத்தை ஆதரிக்கும் இந்தியாவின் கைக்கூலிகள் இதற்கெதிராக குரல் எழுப்புவார்களா?

புரட்சியாளர்களின் போர்க்குற்றம்

2011-10-20T23:30:00.000-07:00

கடாபி கொடுரமாக கொலை செய்யப்பட்டிருக்கிறார். அவரை ஏதேச்சதிகாரி என சொல்கிறார்கள். எல்லாம் இழந்து பிடிபட்டபின் அவரும் மிகச்சராசரி மனிதர்தான். பலமிழந்த மனிதனை படுகொலை செய்யும் காட்சியை தாங்கிக்கொள்ள இயலவில்லை. போர் என்பது அதிகாரத்திற்கு எதிரானதாக மட்டுமே இருக்கமுடியும்.

மரண தண்டனைக்கெதிராக

2011-10-16T11:31:00.000-07:00

மரண தண்டனைக்கெதிராக 25ஆவது நாளாக நடந்த தொடர் பட்டினிப்போராட்டத்தில் 16.10.2011 அன்று டிராட்ஸ்கி மருது அவர்களின் தலைமையில் கவிதாபாரதி அவர்கள் முன்னிலையில் ஊடகவியலாளர்களும் கலைஞர்களும் பங்கேற்றனர்.

மரண தண்டனைக்கெதிரான பட்டினிப் போராட்ட அரங்கில் ஓவியர்களின் பதிவுகள்.

மண்ணுக்கான விடுதலையை மட்டுமல்ல; மக்களுக்கான விடுதலையை முன்வைக்கிறோம் - கொளத்தூர் மணி

2011-10-14T04:09:00.000-07:00

இன வெறி, சாதி வெறி இரண்டுக்கும் எதிரான போராட்டங்களின் குறியீட்டுப் பெயர்தான் கொளத்தூர் மணி. உள்ளூர்ச் சேரிகளில் தீண்டாமை திணிக்கப்பட்டு, ஒதுக்கப்பட்ட தமிழர்களுக்கும் ஈழத்து முள்வேலிகளில் அடைக்கப்பட்ட தமிழர்களுக்கும் சற்றும் சமரசம் இன்றிக் குரல் கொடுப்பவர். மூன்று தமிழர்களின் உயிர் காக்க மரண தண்டனை எதிர்ப்புப் பிரசாரப் பயணத்தில் இருந்தவரைச் சந்தித்தேன்.

''நீங்கள் பெரியார் கொள்கைகள்பால் எப்படி ஈர்க்கப்பட்டீர்கள்?''

''கொளத்தூர் நிர்மலா உயர்நிலைப் பள்ளியில் படித்துக்கொண்டு இருந்தபோது, புலவர் வ.வேணுகோபால் என்ற தமிழ் ஆசிரியர்தான் எனக்கு முதன்முதலில் பகுத்தறிவுச் சிந்தனைகளை அறிமுகப்படுத்தினார். வகுப்பறையில் புராணக் கதைகள் குறித்து அவ்வப்போது விமர்சனங்களை முன் வைப்பார். 'புராணம் என்றால் பழமை, நவீனம் என்றால் புதுமை. புராணக் கதை என்றால் பழைய பொய்’ என்று சொன்ன அவர், 'விடுதலையில் தீபாவளிபற்றி ஒரு கதை வந்திருக்கிறது. படியுங்கள்’ என்றார். அப்போதுதான் முதல்முதலாக விடுதலை இதழைப் படித்தேன். கொஞ்சம் கொஞ்ச மாகப் பெரியாரின் கருத்துகள் என்னை ஈர்த்தன. 1962-ல் அப்போதைய மக்கள வைத் தேர்தலில் காங்கிரஸ் வேட்பாளரை ஆதரித்துப் பேசுவதற்காக பெரியார் எங்கள் ஊருக்கு வந்தார். அப்போது பெரியாரின் பேச்சை முழுமையாக உள் வாங்கிக்கொண்டேன் என்று சொல்ல முடியாது. 1971-ல் கொளத்தூரில் பெரியாரை வைத்து பொதுக் கூட்டம் நடத்தியதில் இருந்து என் இயக்கச் செயல்பாடுகள் தொடங்கின.''

''ஒரு பெரியாரிஸ்ட் என்ற முறையில் இன்றைய சூழலில் பெரியாரிடம் இருந்து கற்றுக்கொள்ள வேண்டியவை, விட்டுவிட வேண்டியவை என்று எவற்றைக் கருதுகிறீர்கள்?''

''சாதி ஒழிப்பும் பெண் விடுதலையும்தான் பெரியார் கொள்கைகளின் அடித்தளம். அவரது கடவுள் மறுப்பும் தனித் தமிழ்நாடு கோரிக்கையும்கூட, சாதி ஒழிப்புக் கொள்கை யின் நீட்சிதான். நான் மட்டும் அல்ல, இந்த மானிட சமுதாயமே பெரியாரிடம் இருந்து கற்றுக்கொள்ள வேண்டியது சுய மரியாதையையும் சமத்துவத்தையும்தான். பெரியாரிடம் இருந்து விட்டுவிட வேண்டியது என்று எதுவும் இல்லை. ஆனால், பெரியார் இறந்து 38 ஆண்டுகள் ஆகிவிட்டன. சுற்றுச்சூழல் பாதுகாப்பு, அணு உலை எதிர்ப்பு போன்ற விஷயங்கள் பெரியார் காலத்தில் இல்லை. இப்போது அதை எல்லாம் சேர்த்துப் பேச வேண்டும். மேலும், உலகின் தலைசிறந்த பெண் விடுதலைக் கருத்துகளைச் சொன்னவர் பெரியார். இப்போது பெண் விடுதலை என்பதைத் தாண்டி திருநங்கைகளின் உரிமைபற்றிப் பேசப்படுகிறது. அதேபோல், ஒருகாலத்தில் 'எதை முதன்மைப்படுத்துவது சாதியையா... வர்க்கத்தையா?’ என்கிற கருத்துப் போராட் டம் பெரியார் இயக்கத்துக்கும் கம்யூனிஸ்ட் டுகளுக்கும் இடையே இருந்துவந்தது. ஆனால், சில பத்தாண்டுகளாக கம்யூ னிஸ்ட்டுகள் இந்துத்துவ எதிர்ப்பை முன் வைக்கிறார்கள்; தீண்டாமைப் பிரச்னை களைக் கையில் எடுத்துப் போராடுகிறார் கள். இது பெரியாரியலுக்குக் கிடைத்த வெற்றி. ஆனால், கம்யூனிஸ்ட்டுகள் எப்படி சாதிப் பிரச்னைகளைக் கணக்கில் எடுத்துக்கொள்ளத் தவறினார்களோ, அதேபோல பெரியாருக்குப் பின் பெரியார் இயக்கங்கள் பொதுவுடைமையை அழுத்தமாகப் பேசவில்லை. இன்றைய உலகமயமாக்கச் சூழலில் 'பார்ப்பன - இந்திய தேசிய - பன்னாட்டு கூட்டுக் கொள்ளை எதிர்ப்பு’ என்ற முழக்கத்தை நாங்கள் முன்வைக்கிறோம்.''

''திராவிட அரசியல்தான் இன்றைய பல வீழ்ச்சிகளுக்குக் காரணம். திராவிடம் என்பதே மாயை’ என்று தொடர்ச்சியாக தமிழ் தேசியவாதிகள் பேசிவருகிறார்களே... இன்னும் திராவிட அடையாளத்தைச் சுமக்கத்தான் வேண்டுமா?''

''போதிய புரிதல் இல்லாதவர்கள்தான் அப்படிப் பேசிவருகிறார்கள். மொழிவாரி மாநிலங்கள் பிரிக்கப்பட்ட பிறகு, பெரியார் சாகும் வரை 'தமிழ்நாடு தமிழருக்கே’ என்று தனித் தமிழ்நாடு கோரிக்கையைத்தான் முன்வைத்தாரே தவிர, மலையாளிகள், தெலுங்கர்கள், கன்னடர்களைச் சேர்த்து திராவிட நாடு விடுதலையை முன்வைக்கவில்லை. திராவிடம் என்பது ஏதோ நிலப்பரப்புக்கான அடையாளம் இல்லை. அது இந்துத்துவ எதிர்ப்பின் குறியீட்டுச் சொல். நாங்களும் தனித் தமிழ்நாடு கேட்கிறோம், தமிழ் தேசியவாதிகளும் தனித் தமிழ்நாடு கேட்கிறார்கள். ஆனால், அவர்கள் வெறுமனே மண்ணுக்கான விடுதலையை முன்வைக்கிறார்கள். நாங்கள் மக்களுக்கான விடுதலையை முன்வைக்கிறோம். 'திராவிடர்’ என்ற சொல், பார்ப்பனர் அல்லாத மக்கள் என்ற பொருளில்தான் பெரியாரால் பயன்படுத்தப்பட்டது. திராவிட அரசியல் கட்சிகளின் மீது உள்ள வெறுப்பால் பலர் 'திராவிடம் என்பதே மாயை’ என்று பேசிவருகிறார்கள். உண்மையில் திராவிட அரசியல் கட்சிகளான தி.மு.க., அ.தி.மு.க., ம.தி.மு.க.கூட தமிழர்களிடத்தில்தான் அரசியல் செய்கின்றனவே தவிர, மலையாளி கள், தெலுங்கர்கள், கன்னடர்களிடத்தில் அல்ல. மேலும், சாதி ஒழிப்பு, தாழ்த்தப் பட்டோர் விடுதலை, பார்ப்பன எதிர்ப்பு, இந்துத்துவ எதிர்ப்பு, இந்திய தேசிய எதிர்ப்பு, பெண் விடுதலை... இவை எல்லாம் சேர்ந்ததுதான் பெரியார் முன்வைத்த திராவிட அரசியல். இன்றைய திராவிட அரசியல் கட்சிகள், இவை எதையும் முன்வைப்பது இல்லை. எனவே, திராவிட அரசியல் கட்சிகளை முன்வைத்து திராவிடம் என்கிற கருத்தாக்கத்தையே மறுப்பது அறியாமை.''

''தொடர்ச்சியாக தீண்டாமைக்கு எதிரான போராட்டங்களை முன்னெடுக்கிறீர்கள். ஆனால், 'பெரியார் கேரளாவில் நடத்திய வைக்கம் போராட்டம் தவிர, தமிழகத்தில் தீண்டாமைப் பிரச்னைகளுக்கு எதிரான போராட்டங்களை முன்னெடுத்தது இல்லை’ என்ற குற்றச்சாட்டு முன்வைக்கப்படுகின்றதே?''

''தீண்டாமை ஒழிய வேண்டும் என்றால், சாதி ஒழிய வேண்டும்; சாதி ஒழிய வேண்டும் என்றால், இந்து மதம் ஒழிய வேண்டும். இதுதான் பெரியாரின் அடிப்படைக் கொள்கை. இதற்காகத்தான் அவர் வாழ்நாள் முழுக்கப் பாடுபட்டார். சுய மரியாதை இயக்கத்தின் சார்பாக ஏராளமான ஆதி திராவிடர் சுய மரியாதை மாநாடுகளையும் ஆதிதிராவிடர் கிறிஸ்தவர் சுய மரியாதை மாநாடுகளையும் நடத்தினார். முதுகுளத் தூர் கலவரத்தின்போது, தாழ்த்தப்பட்ட மக்களின் பக்கம் நின்று, 'கலவரத்துக்குக் காரணமான பசும்பொன் முத்துராமலிங் கரைக் கைதுசெய்ய வேண்டும்’ என்று உறுதியாக வலியுறுத்தியதும் பெரியார் தான்.

மயிலாடுதுறை அருகே உள்ள காளி மற்றும் மாதிரிமங்கலம் ஆகிய ஊர்களில் 'சாதித் தொழிலைச் செய்ய மாட்டோம்’ என்று தாழ்த்தப்பட்ட மக்கள் நடத்திய பறை தப்பட்டையை எரிக்கும் போராட்டம், காங்கிரஸ் மாநாட்டில் தாழ்த்தப்பட்டவர் களுக்கு அனுமதி மறுக்கப்பட்டதை எதிர்த்து நடத்தப்பட்ட போராட்டம் என்று ஏராளமான போராட்டங்களைப் பெரியார் இயக்கம் நடத்தி உள்ளது. ஆனால், அவை எல்லாம் பெரிதாக ஆவணப்படுத்தப்படாததுதான் வரலாற்றுத் துயரம். 1926-ல் சிராவயல் என்ற ஊரில் தாழ்த்தப்பட்டவர்களுக்கு தனிக் கிணறு அமைக்கப்பட்டு, அதைத் திறப்பதற்காகப் பெரியார் அழைக்கப்பட்டார். ஆனால், 'பொதுக் கிணறுக்காகப் போராடுங்கள். தாகத்தால் செத்துப்போகலாமே தவிர, தனிக் கிணறு அமைப்பது தீர்வு அல்ல’ என்று பெரியார் மறுத்துவிட்டார். 'பறையன் பட்டம் போகாமல் சூத்திரன் பட்டம் போகாது’ என்று யார் தீண்டாமையை மேற்கொள்கிறார்களோ, அந்த பிற்படுத்தப்பட்டவர் களிடம் பெரியார் பேசினார். அதுதான் புரட்சி.''

''பேரறிவாளன், முருகன், சாந்தன் ஆகியோரின் மரண தண்டனையை ரத்துசெய்ய வேண்டும். ராஜபக்ஷேவைப் போர்க் குற்றவாளியாக அறிவிக்க வேண்டும் என்று ஜெயலலிதா சட்டமன்றத்தில் தீர்மானங்கள் நிறைவேற்றிய பிறகு, ஈழ ஆதர வாளர்கள் சமச்சீர்க் கல்வி, பரமக்குடி துப்பாக்கிச்சூடு, நரேந்திர மோடி உண்ணாவிரதத்துக்கு ஆதரவு போன்ற விஷயங்களில் ஜெயலலிதாவைக் கடுமை யாக விமர்சிப்பது இல்லையே?''

''ஈழ ஆதரவாளர்களில் பலர் சாதி ஒழிப்பு, சிறுபான்மையினர் உரிமைகள், சுற்றுச்சூழல் பிரச்னை, மனித உரிமைகள் ஆகியவற்றில் கவனம் செலுத்தாத போக்கு இருக்கிறது. அதே நேரத்தில், காஷ்மீர், தண்டகாரண்யம், சல்வாஜூடும்பற்றிப் பேசும் பலர் ஈழப் பிரச்னைபற்றிக் கவலைப் படுவது இல்லை. இரண்டு தரப்பிலும் போதாமைகள் இருக்கின்றன. இவை சரி செய்யப்பட வேண்டும்.''

''பிரபாகரன் உயிரோடு இருக்கிறாரா? ஈழத் தமிழர்களின் பிரச்னைகளைத் தீர்க்க என்ன மாதிரியான தீர்வுகளை முன்வைக்கிறீர்கள்?''

''பிரபாகரன் உயிரோடு இருக்க வேண்டும் என்று விரும்புகிறோம். ஆனால், உயிரோடு இருக்கிறாரா என்பது தெரியாது. இன்றைய சூழலில், ராஜபக்ஷேயின் போர்க் குற்றங்கள் விசாரிக்கப்பட வேண்டும் என்கிற கோரிக்கை வலுவாக முன்வைக்கப்படு கிறது. ஆனால், ராஜபக்ஷே மட்டுமே இனப் படுகொலையில் ஈடுபடவில்லை. எல்லா இலங்கை அதிபர்களுமே தமிழர்களுக்கு எதிராக இனப் படுகொலையில் ஈடுபட்டவர்கள்தான். உயிரோடு உள்ள எல்லா இலங்கை அதிபர்களுமே போர்க் குற்றங்களின் அடிப்படையில் தண்டிக்கப்பட வேண்டியவர்கள்தான். ஈழப் பிரச்னைக்கான தீர்வு தமிழீழம்தான் என்று கருதுகிறோம். அந்த மக்களின் விருப்பமும் அதுதான் என்று உறுதியாக நம்புகிறோம்!''

ரீ.சிவக்குமார்
படங்கள் : க.தனசேகரன்
நன்றி: ஆனந்தவிகடன்

செங்கொடியின் தீயாட்டம்

2011-10-01T20:12:00.000-07:00

செங்கொடி குறித்து வெளி ரங்கராஜன் உயிர்மையில் எழுதிய கட்டுரை.

கருணாநிதியின் கடைசி ஆசையை நிறைவேற்றுவேன்

2011-10-01T09:45:00.000-07:00

தமிழ்த்தாயின் மடியில்தான் என் உயிர் போகும் என்கிறார் கருணாநிதி. அப்படியானால் இவர் சாகவே மாட்டாரா?

ஏன் நடைமுறை சாத்தியமற்ற விடயங்களைப் பேசினாலும் மக்கள் நம்புவார்கள் என நம்பிக்கொண்டிருக்கிறார்.

சரி அவர் பேச்சுப்படியே வைத்துக்கொள்வதானாலும் அந்த தமிழ்த்தாய் எங்கிருக்கிறாள். அவள் எப்படியிருப்பாள் என்றும் எனக்குத் தெரியாது.

அவளது முகவரி உங்களில் யாருக்கேனும் தெரிந்தால் சொல்லுங்கள். எப்பாடுபட்டேனும் என் செலவில் தமிழ்த்தாயை அழைத்து வந்து கருணாநிதியின் இந்த கடைசி ஆசையை நிறைவேற்றியே தீருவேன்.

செங்கொடி நினைவேந்தல் - காணொளி

2011-09-26T18:37:00.000-07:00

24.09.2011அன்று சென்னை - ராயப்பேட்டையில் நடந்த செங்கொடி நினைவேந்தல் கூட்டத்தில் பழ.நெடுமாறன், மதிமுக பொதுச்செயலாளர் வைகோ, பெரியார் திராவிடர் கழகத் தலைவர் கொளத்தூர் மணி, தோழர் பேரறிவாளன் அவர்களின் தாய் அற்புதம் அம்மாள், தமிழ் தேச விடுதலை இயக்கத்தின் பொதுச்செயலாளர் தோழர் தியாகு, புதிய தமிழகம் கட்சித் தலைவர் கிருஷ்ணசாமி, மக்கள் மன்றத் தலைவி தோழர் மகேஷ், ஊடகவியலாளர் டி,எஸ்எஸ் மணி ஆகியோர் பேசியதன் காணொளி வடிவம்.

மக்கள் மன்ற தோழர் கெளதம் (பாடல்)

தோழர் மகேஷ்

வைகோ

கொளத்தூர் மணி

தோழர் தியாகு

பழ.நெடுமாறன்

கிருஷ்ணசாமி

ஊடகவியலாளர் டி,எஸ்எஸ் மணி

அற்புதம் அம்மாள்

மக்கள் எல்லாம் eezham song

2011-09-25T03:22:00.000-07:00

சென்னை ராயப்பேட்டையில் 24.09.2011 அன்று செங்கொடி நினைவேந்தல் நிகழ்ச்சி நடைபெற்றது. அதில் மக்கள் மன்றத்தைச் சேர்ந்த கெளதம் என்ற தோழர் பாடிய "மக்கள் எல்லாம் மக்கள் எல்லாம் பிரபாகரனின் பக்கம்" என்ற பாடல்.

பாடல் கேட்டு வைகோவும் கொளத்தூர் மணியும் அடையும் மகிழ்ச்சியையும் பெருமிதத்தையும் பாருங்கள். நமக்குள் இழப்பின் வலியும் போராட்ட குணமும் இருக்குமானால் இவர்கள் ரசிப்பதை ரசிக்கமுடியும். ஏனெனில், இவர்கள் வழியாக வெளிப்படும் மகிழ்ச்சியும் பெருமிதமும் இவர்களுடையது மட்டுமே அல்ல.

செங்கொடி நினைவேந்தல் படங்கள்

2011-09-25T02:01:00.000-07:00

நேற்று (24.09.2011) சென்னை - ராயப்பேட்டையில் நடந்த செங்கொடி நினைவேந்தல் நிகழ்வின் படங்கள்

பெரியார் திராவிடர் கழகத்தைச் சேந்த தோழர்கள் விடுதலை

2011-09-24T03:48:00.000-07:00

Federation of Brahmin Associations Southern region என்ற பெயரில் பார்ப்பனர் சங்கம் நடத்திவரும் எஸ்.வி.சேகரின் வீட்டில் பெட்ரோல் குண்டு வீசப்பட்ட வழக்கில் பெரியார் திராவிடர் கழகத்தைச் சேந்த தோழர்கள் கைது செய்யப்பட்டிருந்தனர்.

இன்று (24.09.11) விடுதலையாகி வந்த அவர்களுக்கு ராயப்பேட்டையில் பறை முழக்கத்துடன் வரவேற்பு அளிக்கப்பட்டது.

பரமக்குடி துப்பாக்கிச் சூடு

2011-09-23T07:08:00.000-07:00

தோழர் தியாகு:

ஈழ விதலைப்போராட்டம், ராசபக்ச - மன்மோகன் கும்பலை இனப்படுகொலையாளர்கள் என கூண்டிலேற்றச்சொல்லி நடத்தும் போராட்டம், மூவர் உயிர்காப்பு போராட்டம், பரமக்குடி துப்பாக்கிச்சூடு உள்ளிட்ட அரச பயங்கரவாதத்திற்கு எதிரான போராட்டம் இவையெல்லாம் வெவ்வேறானவையல்ல; ஒரே போரின் வெவ்வேறு சமர்க்களங்கள்.

பரமக்குடி துப்பாக்கிச் சூடு நடந்தபோது அங்கிருந்த சங்கர்,
நடந்தது என்ன என்பதை விவரிக்கிறார்

போர்க்குற்ற வரலாற்றில் ராசீவ்காந்தியும் ராசபக்சவும்

2011-09-20T12:38:00.000-07:00

விடுதலை ராசேந்திரன்:
சாட்சிகளற்ற போரை நடத்தி போர்க்குற்றம் புரிவதற்கு ராசபக்சவுக்கு முன்மாதிரியாக இருந்தது ராசீவ்காந்தியின் அமைதிப்படை இழைத்த போர்க்குற்றங்கள்தான்.

தோழர் தியாகு:
ராசீவ் காந்தி உடலளவில் கொல்லப்பட்டார்;
நாம் அவரை அரசியல் படுகொலை செய்வோம்.

பெரியார் சிந்தனைகள்

2011-09-16T02:15:00.000-07:00

கல்வி என்பது ஒரு மனிதனுக்கு கற்பிக்கப்பட வேண்டிய அவசியமெல்லாம், ஒருவன் தனது வாழ்நாளில் சுதந்திரத்தோடு வாழ்வதற்கு தகுதிப்படுத்துவது என்பதேயாகும்; அல்லது உலகில் நல்வாழ்க்கை வாழ தகுதியுடையவனாக்குவது என்பதேயாகும்

கையாலாகாதவனுக்கு கடவுள் துணை;
அறிவில்லாதவனுக்கு ஆண்டவன்;
செயல்தவற்றை உணர முடியாதவனுக்கு தலைவிதி.

எந்த முறையிலாவது புராணப் பண்டிதர்களை பொதுமக்கள் ஆதரிப்பது, கொள்ளியை எடுத்து தலையைச் சொறிந்துகொள்வதுபோலாகும்.

ஒரு மனிதன், தனக்கு மோட்சத்தில் இடம் பிடிப்பதற்காக வெகுபேர்களை நரகத்தில் ஆழ்த்துகிறான்.

நம் மக்களின் மரியாதை காட்டும் தன்மைகள் எல்லாம்
அநேகமாய் செத்துப்போனவர்களிடமேயொழிய
இருப்பவர்களிடமில்லை.

தொழிலாளி, முதலாளி தன்மை முறை இருக்கவே கூடாது.
ஒரு தொழிற்சாலைக்கு அங்கு வேலை செய்பவர்கள் பங்காளிகள் அல்லாமல் கூலிக்காரர்களாக இருப்பது என்பது முட்டாள்தனம்; மானமற்றதாகும்.

என்ன கஷ்டப்பட்டாவது, மறுஉலகத்தை தயவுசெய்து மறந்துவிட்டு
இந்த உலக நடவடிக்கைகளுக்கு உங்கள் வாழ்க்கையைப் பொருத்துங்கள்.

தமிழ்நாடும் தமிழ்மொழியும்
தமிழர் தன்மானமும் விடுதலையும் பெற்று வளர்ச்சியடைய வேண்டுமானால், தமிழன் காரியத்தில் தமிழனல்லாதவன்; அவன் எப்படிப்பட்டவன் ஆனாலும் தலையிடுவது முதலில் ஒழித்தாகவேண்டும்.

சுயநலத்துக்கு அறிவே தேவையில்லை.
உணவுக்கு அலைவதும் உயிரைக் காப்பதும்
எந்த ஜீவனுக்கும் இயற்கை.

அறிவியக்க நூல்கள், சீர்திருத்த நூல்கள் என்றால் ஒவ்வொன்றையும் வாங்கி வீட்டில் நிரப்பிக்கொள்ளவேண்டுமென்று அர்த்தமன்று. வாங்கிப் படித்துவிட்டு படித்துமுடித்தவுடன் முக்கால் விலைக்கு அரை விலைக்கு விற்றுவிடவேண்டும்; மறுபடி வேறு வாங்கவேண்டும்.

செங்கொடி - தலைவர்கள் பேச்சு

2011-09-04T10:00:00.000-07:00

இவர்கள் நடுநிலையாளர்களா?

2011-08-29T21:43:00.000-07:00

நடுநிலை, உண்மை விளம்பி என்று சொல்லிக்கொள்கிற ஊடகங்களில் சில இன்னும் ராஜீவ் கொலையாளிகள் என்றுதான் செய்தி வெளியிடுகின்றன. இதில் புதிய தலைமுறையும் அடக்கம். ராஜீவ் கொலையாளிகள் நிகழ்விடத்திலும் பெங்களுரிலும் மாண்டார்கள். மற்றவர்களை குற்றம் சாட்டப்பட்டவர்கள் என்று குறிப்பிட்டால் போதாதா. அரசுத் தரப்பு இந்த விசாரணையை நூறு விழுக்காடு நேர்மையாக நடத்தியதாக ஏற்றுக்கொள்கிறார்களா? அரசின் குரலாக செய்தி வெளியிடுவார்கள் என்றால் இவர்கள் தங்களை நடுநிலையாளர்கள் என்று சொல்லிக்கொள்வது ஏன்.

செங்கொடியின் மரணத்தில் தமிழக அரசு காக்கும் மெளனத்திற்கு பங்கு உண்டு.

2011-08-28T10:27:00.000-07:00

லட்சக்கணக்காணோரை இழந்தோம். எவருடைய மனதையும் உலுக்குவதாய் இல்லை. இனியும் தற்கொலை எண்ணம் வேண்டாம். செங்கொடியின் மரணத்தில் தமிழக அரசு காக்கும் மெளனத்திற்கு பங்கு உண்டு.

மூவர் உயிர் காக்க

2011-08-25T02:10:00.000-07:00

பேரறிவாளன், முருகன், சாந்தன் ஆகிய குற்றமற்ற மூன்று தமிழர்களை மரண தண்டனையிலிருந்து காக்க சென்னை எம்.ஜி.ஆர் நகரில் கட்சி வேறுபாடுகளைக் கடந்து தலைவர்கள் பங்கேற்ற பொதுக்கூட்டம் 22.08.2011 அன்று நடைபெற்றது. அந்நிகழ்வின் காணொளி வடிவம்

கூட்டத்தில் தோழர் தியாகு அவர்களின் பேச்சு மிகமிக முக்கியமானது. அவர் பேசப் பேச பொதுக்கூட்ட மேடை நீதிமன்றமானது. வழக்கை உடைத்தெறிந்துவிட்டார். மிகுந்த நம்பிக்கையளிக்கக் கூடிய இக்காணொளியை நீங்கள் அவசியம் பார்க்கவேண்டும்.

தோழர் தியாகு

தமிழருவி மணியன்

இராசேந்திர சோழன்

வைகோ

மரண தண்டனையை ஒழிப்போம்

2011-08-25T01:50:00.000-07:00

சென்னை தியாகராய நகரில் பெரியார் திராவிடர் கழகம் மற்றும் நாம் தமிழர் கட்சியின் சார்பில் மரணதண்டனைக்கு எதிரான பொதுக்கூட்டம் 16.08.2011அன்று நடைபெற்றது.

பெரியார் திராவிடர் கழகத் தலைவர் கொளத்தூர் மணி

பால் நியூமென்

பெரியார் திராவிடர் கழகத்தின் பொதுச்செயலாளர் விடுதலை ராசேந்திரன்

வேலூரை நோக்கி ...

2011-08-20T14:13:00.000-07:00

ராஜீவ் கொலை வழக்கில் பேரறிவாளன், முருகன், சாந்தன் ஆகிய குற்றமற்ற மூன்று தமிழர்களை தடா என்னும் அடக்குமுறை சட்டத்தின்கீழ் கைதுசெய்து, புனைவுகூட்டிய வாக்குமூலத்தில் மனித உரிமைகளைப் புறந்தள்ளி, துன்புறுத்தி கையொப்பம் பெற்று அவர்களுக்கு மரணதண்டனையும் விதித்திருக்கிறது இந்திய அரசு.

எதேச்சதிகார இந்திய அரசின் வக்கிர ஆசையை தகர்த்தெறிந்து மூவரையும் காக்க தமிழகம் பேரெழுச்சி கொள்ளத் தொடங்கிவிட்டது. அத்தகைய போராட்டத்தின் ஒரு பகுதியாக வேலூரை நோக்கி இருசக்கர வாகனங்களில் பரப்புரை பயணம் மேற்கொள்ளப்பட்டது.

இந்தியா என் நாடல்ல, அதன் விடுதலைக் கொண்டாட்டத்தை புறக்கணிக்கிறேன்,

2011-08-14T19:56:00.000-07:00

என் மகன் பேரறிவாளன் குற்றமற்றவன்

2011-08-13T22:22:00.000-07:00

பேரறிவாளனின் தாய் அற்புதம்

2011-08-12T04:55:00.000-07:00

பெரியாரும் காமராஜரும்

2011-08-01T01:45:00.000-07:00

இந்திய ஒருமைப்பாடு உடையும்

2011-07-28T18:53:00.000-07:00

கடந்த 25.07.2011 அன்று சென்னை தேவநேயப்பாவாணர் அரங்கில் நடந்த முல்லைப் பெரியாறு அணை குறித்த கருத்தரங்கில் வைகோ அவர்கள் ஆற்றிய உரை.

வைகோ: முல்லைப் பெரியாறு அணையை உடைக்க திட்டமிடுகிறது கேரளா. அணை உடைந்தால் இந்திய ஒருமைப்பாடு உடையும்.

வைகோ: காட்டுக்குள் விமான தளம் அமைத்து, ஓடுதளத்தை பாய் போல சுருட்டிச் சென்றவர்கள் விடுதலைப் புலிகள்.

வைகோ: நம்ம தலையில கல்லைப் போடற மாதிரி ஏன் அணுஉலை வச்சான். எதுக்கு டேங்க் தொழிற்சாலை வச்சான். எதுக்காக துப்பாக்கித் தொழிற்சாலைய வச்சான்; கப்பற்படை தளத்தைக் கொண்டுவந்து விஜயநாராயணத்தில் வச்சான்.

நான் நினைக்கிறது... இப்படித்தான ரஷ்யாவில வச்சான். கடைசில அந்தந்த ஸ்டேட்காரன் இது ரெம்ப நல்லதா போச்சு; எங்களுக்கு சொந்தம்ன மாதிரி...இது நல்லதுதான். அமைச்சிருக்கறான். நாளைக்கு வருங்கால தமிழகம் எங்களுக்குச் சொந்தம்னு அறிவிச்சுட்டா என்ன பன்னப்போறிய!

எம்.ஜி.ஆரின் ஆதரவில் வளர்ந்த புலிகள்

2011-07-22T07:47:00.000-07:00

'ஈழத்தமிழரும் எம்.ஜி.ஆரும்' என்ற தலைப்பில் 20.07.2011 அன்று சென்னை சைதாப்பேட்டை பகுதி பெரியார் திராவிடர் கழகத்தின் சார்பில் பொதுக்கூட்டம் நடைபெற்றது.

அக்கூட்டத்தில் தோழர் விடுதலை ராசேந்திரன் அவர்கள் ஆற்றிய உரை.

விடுதலை பெற்ற தெற்கு சூடானும் தமிழீழ விடுதலையும்

2011-07-16T18:17:00.000-07:00

விடுதலை பெற்ற தெற்கு சூடானும் தமிழீழ விடுதலையும் என்ற கருத்தரங்கை நாடு கடந்த தமீழீழ அரசாங்கத்தின் தோழமை மையம் சென்னையில் 16.07.2011 அன்று நடத்தியது.

தமிழ்தேசிய விடுதலை இயக்க தோழர் தியாகு உரை

மே 17 திருமுருகன் உரை

பத்திரிகையாளர் டி.எஸ். எஸ். மணி உரை

கொங்கு இளைஞர் பேரவை தனியரசு உரை

புதிய தமிழகம் கிருஷ்ணசாமி உரை

பாரம்பரிய மீனவர் சங்க மகேஷ் உரை

முருகபூபதி இயக்கிய சூர்ப்பணங்கு நாடக நிகழ்வு

2011-07-10T20:49:00.000-07:00

மொத்த படங்களையும் காண கீழ்காணும் படத்தின் மேல் சொடுக்கவும்.

சூர்ப்பணங்கு

மெரினாவில் நினைவேந்தல் படங்கள்

2011-06-26T23:18:00.000-07:00

கூகுள் மொழிபெயர்த்த இரண்டு கவிதைகள்

2011-06-23T22:10:00.000-07:00

கூகிளின் மொழிபெயர்ப்பை நீங்கள் படித்து மகிழ்வதற்காகப் போடுகிறேன். மற்றபடி கூகிளின் முயற்சி மகத்தானது.

தமிழ் வெல்க என்று ஒளிரும் எழுத்துக்களை மட்டுமே நம்மால் உருவாக்க முடிந்தது. போகிற போக்கைப் பார்த்தால், நம் மொழியை ஆங்கிலேயன் காப்பாற்றினால்தான் உண்டு.